Name: خطابات نور
Author: Hazrat Hakeem Noor-ud-Deen

خطابات نور — Page 333

فاجروں کو بھی پسند آنے لگتا ہے۔روٹی، کپڑا، مکان وغیرہ چیزیں جو انسان کو اچھی معلوم ہوتی ہیں اور ان سے محبت کرتا ہے تو اس کی جڑ بھی احسان ہی ہے۔دوائی جو آنکھ میں ڈالتے ہیں اگرچہ وہ لگتی ہے اور تکلیف ہوتی ہے تاہم اچھی معلوم ہوتی ہے۔ایسا ہی لباس وغیرہ کا حال ہے۔بعض چیزوں کے حسن کو بیان بھی نہیں کرسکتے۔(اس موقع پر حضرت نے ایک نابینا کی مثال بیان کی جس کو کبوتر بازی کا شوق تھا اور جب کبوتر اڑاتا تو منہ اٹھائے ہاتھ پر ہاتھ ہاتھ مار کر مزہ لیتا) یہ بھی ایک حُبّ ہے کہ انسان اسے بیان نہیں کرسکتا۔میں طالب علم تھا میرے ایک محسن مکرم عنایت فرما عبدالرشید مراد آبادی تھے۔انہوں نے کہا کہ میرے ایک آشنا نے مجھ سے کہا کہ میں بنارس کے ایک لڑکے پر عاشق ہوں۔ہم دس بارہ آدمی اس کو دیکھنے گئے کہ وہ کون بنارسی لڑکا ہے جس پر یہ عاشق ہیں۔اس نے سوچا کہ ان کی آنکھیں تو اس طرح سے نہیں دیکھتی ہیں جس طرح پر میں دیکھتا ہوں۔ممکن ہے کہ جن وجوہات سے میں اسے پیار کرتا ہوں ان کے نزدیک وہ کچھ بھی نہ ہوں۔اس لئے اس نے ان سے کہا کہ ٹھہرو، میں دیکھ آئوں کہ وہ مکان پر بھی ہے یا نہیں۔وہ ایک چکر لگا کر آگیا اور کہا کہ وہ آج مکان پر نہیں ہے۔میں نے کہا کہ یہ بھی ایک نکتہ ہے کہ حُبّ ہوتی ہے مگر سمجھ ہی نہیں آسکتا۔اس کو حب لا مرما کہتے ہیں۔بعض لوگ سورۃ یوسف پڑھتے ہیں اور کہتے ہیں کہ یوسفؑ بڑے ہی خوبصورت تھے۔مگر انہیں آپ کا عشق نہیں آتا۔اور بھی بہت سی چیزیں ہیں جن کا بیان نہیں کرسکتے۔میرے ایک دوست یہاں آئے تھے۔وہ کانگڑہ میں رہتے ہیں۔انہوں نے مجھے کہا کہ آپ وہاں آئیں۔عجیب عجیب دلربا سینریاں ہیں۔میں نے کہا کہ کیا کیا سینری ہے بیان تو کرو۔اس پر کہنے لگے کہ میں بیان نہیں کرسکتا۔مگر آہ یہ سب محبوب جو میں نے بیان کئے زوال پذیر ہیں۔ایک شخص ایک عورت کو بھگا لے جاتا ہے صرف آنکھ کی خوشی کے لئے۔چند روز کے بعد جب معلوم ہوا کہ اسے آتشک تھا یا عورت کی ناک کٹ گئی تو اسے چھوڑنا چاہتا ہے اور سمجھتا ہے کہ کسی طرح سے اس بلا سے رہائی ملے۔اس محبوب کو پھر بلا سمجھتا ہے۔میں نے ایسے گویّے دیکھے ہیں کہ وہ عقل فکر حیران کردیتے ہیں۔مگر ذرا آواز بگڑی تو پھر گلستان کا یہ مصرعہ