جماعت احمدیہ کا تعارف — Page 408
408 ۲۔اس کمیٹی کا کام مالی و حسابی معاملات میں وقف جدید انجمن احمد یہ کومشورہ دینا اور کوئی ایسا معاملہ جو مالی یا حسابی ہو اور جس کا بجٹ پر اثر پڑتا ہو اس کمیٹی کی رائے کے بغیر صدرانجمن احمد یہ میں پیش نہیں ہوسکتا۔اس کمیٹی کے کام کی تفصیل حسب ذیل ہے۔الف۔سالانہ بجٹ آمد و خرچ کے متعلق مشورہ دینا۔ب۔ہر ایسے معاملہ میں مشورہ دینا جس سے خزانہ پر بار پڑتا ہو لیکن منظور شدہ بجٹ میں سے کوئی رقم پیشگی منظور کرنا اس سے مستثنیٰ ہوتا ہے۔ج۔اخراجات پر نگاہ رکھنا اور مالی حالت کو مد نظر رکھتے ہوئے بر وقت اس کے متعلق وقف جدید انجمن احمدیہ میں رپورٹ کرنا۔د۔ہر قسم کے مشترکہ محکمانہ فارم تجویز کرنا۔ھ۔آمد و خرچ کے حساب و کتاب رکھنے کا طریق تجویز کرنا۔و۔دیگر ہر قسم کے مالی و حسابی کام کے متعلق مشورہ دینا۔۔اس کمیٹی کو تمام مشورہ طلب امور میں صرف مالی و حسابی نگاہ سے رائے دینے کا اختیار ہوتا ہے۔انتظامی پہلو سے دخل نہیں دے سکتی۔۔کمیٹی کے فرائض میں شامل ہوتا ہے کہ اگر کوئی ایسا حسابی و مالی معاملہ اس کے نوٹس میں آئے جس میں سلسلہ کے مفاد میں رائے دینی مناسب ہو تو از خود اپنی رائے وقف جدید انجمن احمدیہ کو ارسال کر سکتی ہے۔انتظامیہ کمیٹی ا۔وقف جدید انجمن احمدیہ کے ماتحت ایک کمیٹی ہوتی ہے جس کا نام انتظامیہ کمیٹی ہے اس کمیٹی کا کام انتظامی امور میں وقف جدید انجمن احمدیہ کی طرف سے مفوضہ معاملات میں مشورہ دینا ہوتا ہے۔مثلاً استقلال کارکنان ، رخصت کارکنان ،نئی آسامی کا قیام وغیرہ۔۲۔اس کمیٹی کے ذمہ ان دیگر امور کے بارہ میں بھی رپورٹ کرنا ہوتا ہے جو وقف جدید انجمن احمدیہ کی طرف سے اس کے سپرد کئے جائیں۔(بحوالہ ریکارڈ دفتر وقف جدید انجمن احمد یہ ربوہ پاکستان )