جماعت احمدیہ کا تعارف — Page 128
128 کی بیعت خلافت کے بعد جو حضرت مسیح موعود علیہ السلام کے باغ متصل بہشتی مقبرہ میں ایک آم کے درخت کے نیچے ہوئی تھی حضرت خلیفہ امسیح الاول نے حضرت مسیح موعود کے باغ کے ملحقہ حصہ میں تمام حاضر الوقت احمدیوں کے ساتھ حضرت مسیح موعود علیہ السلام کی نماز جنازہ ادا کی۔نماز کے بعد چھ بجے شام کے قریب حضرت مسیح موعود علیہ السلام کے جسم اطہر کو مقبرہ بہشتی کے ایک حصہ میں دفن کیا گیا۔اور آپ کے مزار مبارک پر پھر ایک آخری دعا کر کے آپ کے غمزدہ رفیق اپنے گھروں کو واپس لوٹے۔اللَّهُمَّ صَلَّ عَلَى مُحَمَّدٍ وَعَلَى مَطَاعِهِ مُحَمَّدٍ وَبَارَكُ وَسَلَّم۔از سلسله احمد یه ص ۱۸۶ تا ۱۸۸ - از حضرت مرزا بشیر احمد صاحب ایم۔اے شائع کردہ نظارت تالیف و تصنیف قادیان) جماعت احمدیہ میں خلیفہ کے انتخاب کا طریق انتخاب خلافت کے طریق سے متعلق سب سے پہلے یہ بات یادرکھنے کی ضرورت ہے کہ جیسا کہ دوسرے دنیاوی امور میں اسلام کا طریق ہے اس معاملہ میں بھی اسلام نے صرف ایک اصولی تعلیم دی ہے اور تفصیلات کے تصفیہ کو ہر زمانہ اور ہر ملک اور ہر قوم کے حالات پر چھوڑ دیا ہے اور دراصل اس قسم کے معاملات میں یہی طریق عقلمندی اور میانہ روی کا طریق ہے کہ صرف اصولی ہدایت پر اکتفاء کی جاوے اور تفصیلات میں دخل نہ دیا جاوے۔کیونکہ اگر ایسا نہ ہو اور حالات کے اختلاف کا لحاظ رکھنے کے بغیر ہر زمانہ میں ہر قوم پر ایک ہی ٹھوس غیر مبدل اور تفصیلی قانون جاری کر دیا جاوے تو ظاہر ہے کہ قانون شریعت رحمت کی بجائے ایک زحمت ہو جاوے۔اور ہدایت کی بجائے ضلالت کا سامان پیدا کر دے۔پس اسلام نے کمال دانشمندی کے ساتھ اس معاملہ میں صرف اصولی ہدایت دی ہے جو تفصیلات کے مناسب اختلاف کے ساتھ ہر قسم کے حالات پر یکساں چسپاں ہوتی ہے۔یہی وجہ ہے کہ آنحضرت ﷺ کی وفات کے بعد قائم ہونے والی خلافت راشدہ میں حسب حالات اور حسب موقع انتخاب کے مختلف طریق اختیار کئے گئے۔حضرت ابو بکر کا انتخاب تھوڑے اختلاف اور بحث و تمحیص کے بعد انصار و مہاجرین نے متفقہ طور پر کیا۔(بخاری و مسلم وغيره عن ابن عمر بحواله تلخيص باب فی ذکر خلفاء الراشدين) اور حضرت عمر کا انتخاب حضرت ابو بکر نے اپنی زندگی میں ہی صحابہ کبار کے مشورہ سے بطور نامزدگی کر دیا تھا۔پھر حضرت عثمان کا انتخاب صحابہ کی ایک چھ رکنی کمیٹی نے مل کر کیا جسے حضرت عمر نے اپنی زندگی میں مقرر