مجموعہ اشتہارات (جلد 3) — Page 40
مسلمانوں میں قسم کے ساتھ ان سے پوچھا نہ جائے۔۱؎ القصّہ جو میرے سامنے منشی محمد یعقوب صاحب نے کہا تھا اس کی تفصیل یہ ہے کہ جب بمقام امرتسر مولوی عبد الحق غزنوی سے میرا مباہلہ ہوا تھا جس کے بعد اللہ تعالیٰ نے میری سچائی ظاہر کرنے کے لئے ستر کے قریب نشان ظاہر کئے جن کے ہزار ہا انسان گواہ ہیں۔ایسا اس کے بعد ہزار ہانیک دل لوگوں کو میری بیعت میں داخل کیا جو دس ہزار سے بھی زیادہ ہیں۔جنہوں نے اپنا صدق ظاہر کرنے کے لئے ہمارے سلسلہ کی تائید میں تیس ہزار کے قریب روپیہ دیا ہو گا۔ایسا ہی خدا تعالیٰ نے مجھے اس مباہلہ کے بعد پیشگوئی کے موافق کئی فرزند عطا فرمائے اور ایک فرزند کی نسبت جس کا نام مبارک احمدہے ۲؎ ظاہر فرمایا کہ عبدالحق نہیں مرے گا جب تک وہ پیدا نہ ہو۔۳؎ یعنی مباہلہ کے بعدیہ ذلّت بھی اس کو نصیب ہو گی کہ اس کی بیوی کا حمل خطا جائے گا اور اس کی پیشگوئی جھوٹی نکلے گی۔مگر میری تصدیق کے لیے اس کی زندگی میں چوتھا لڑکا پیدا ہو گا۔ایسا ہی خدا نے مباہلہ کے بعد لاکھوں انسانوں میں عزّت کے ساتھ مجھے شہرت دی اور مخالفون کی ذلّت اور نامرادی ثابت کر کے دکھلا دی۔اس مباہلہ کے میدان میں ایک کثیر جماعت کے رو برو منشی محمدیعقوب صاحب نے کھڑے ہو کر میری نسبت بیان کیا تھا کہ مولوی عبد اللہ صاحب نے مجھے کہا تھا ۱؎ نوٹ۔اگر حافظ محمد یوسف صاحب اور ان کے بھائی منشی محمد یعقوب صاحب نے اپنا انکار بذریعہ چھپے ہوئے اشتہار کے شائع نہ کیا تو ہر یک منصف کو سمجھ لینا چاہیے کہ انہوں نے ہمارے اس بیان کو قبول کر لیا اور اگر اشتہار شائع کیا تو پھر عبد اللہ آتھم کی طرح قسم کے لیے ان کو مجبور کیا جائے گا تا سیہ روئے شود ہر کہ دردغش باشد۔منہ ۲؎ دوسرا نام اس لڑکے کا ایک خواب کی بنا پر دولت احمد بھی ہے۔منہ ۳؎ مباہلہ کے بعد وہ پیشگوئی بھی پوری ہوئی جس میں لکھا تھا کہ اخویم مکرم مولوی حکیم نور الدین صاحب کے گھر میں لڑکا پیدا ہو گا اور اس کے بدن میںبہت سے پھوڑے ہوں گے چنانچہ لڑکا پیدا ہو گیا اور خوفناک پھوڑے اس کے بدن پر موجود ہیں۔منہ