مجموعہ اشتہارات (جلد 3) — Page 283
ماننا پڑے گا کہ یکم نومبر ۲ ء سے نصف نومبر تک پندرہ دن ہوئے مگر تاہم مَیں نے اُن کی حالت پر رحم کر کے اتمام حجت کے طور پر پانچ دن اُن کے لئے اور زیادہ کر دیئے ہیں اور ڈاک کے دن ان دنوں سے باہر ہیں۔پس ہم جھگڑے سے کنارہ کرنے کے لئے تین دن ڈاک کے فرض کر لیتے ہیں یعنی ۱۷-۱۸-۱۹؍ نومبر ۲ ء۔اِن دنوں تک بہرحال اُن کے پاس جابجا یہ قصیدہ پہنچ جائے گا۔اب اُن کی میعاد ۲۰؍نومبر سے شروع ہوگی۔پس اِس طرح پر دس دسمبر ۲ ء تک اِس میعاد کا خاتمہ ہوجائے گا۔پھر اگر بیس دن میں جو دسمبر ۲ ء کی دسویں کے دِن کی شام تک ختم ہو جائے گی۔اُنہوں نے اِس قصیدہ اور اُردو مضمون کا جواب چھاپ کر شائع کر دیا تو یُوں سمجھو کہ مَیں نیست و نابود ہوگیا اور میرا سلسلہ باطل ہوگیا۔اِس صورت میں میری تمام جماعت کو چاہیے کہ مجھے چھوڑ دیں اور قطع تعلق کریں لیکن اگر اب بھی مخالفوں نے عمداً کنارہ کشی کی تو نہ صرف دس ہزار روپے کے انعام سے محروم رہیں گے بلکہ دس لعنتیں اُن کا ازلی حصّہ ہوگا اور اِس انعام میں سے ثناء اللہ کو پانچ ہزار ملے گا۔اور باقی پانچ کو اگر فتح یاب ہوگئے ایک ایک ہزار ملے گا۔وَالسَّـلَامُ عَلٰی مَنِ اتَّبَعَ الْھُدٰی خاکسار میرزا غلام احمد قادیانی (اعجاز احمدی ضمیمہ نزول المسیح۔روحانی خزائن جلد۱۹ صفحہ ۲۰۲ تا ۲۰۵)