مجموعہ اشتہارات (جلد 2) — Page 232
مجموعہ اشتہارات ۲۳۲ جلد دوم دیہات سے وصول کیا جائے گا۔پھر بعد اس کے صاحب راقم لکھتے ہیں کہ اگر چہ آپ حافظ حقیقی کی حمایت میں ہیں تا ہم رعایت اسباب ضروری ہے اور میرے نزدیک ایسے وقت میں شریر مسلمانوں سے بھی پر ہیز لازم ہے کیونکہ وہ طامع اور بد باطن ہیں۔کچھ تعجب نہیں کہ وہ بظاہر بیعت میں داخل ہو کر آریوں کی طمع دہی سے اس کام کے لئے جرات کریں۔پھر صاحب راقم لکھتے ہیں کہ مجھے یہ بھی معلوم ہوا ہے کہ اس مشورہ قتل کے سرگروہ اس شہر کے بعض وکیل اور چند عہدہ دار سرکاری اور بعض آریہ رئیس وسر کردگان لاہور کے ہیں۔جس قدر مجھے خبر پہنچی ہے میں نے عرض کر دیا۔وَاللَّهُ أَعْلَمُ “ اور اسی کا مصدق ایک خط پنڈ دادنخان سے اور کئی اور جگہ سے پہنچے ہیں اور مضمون قریب قریب ہے۔یہ سب خط محفوظ ہیں۔اور جس جوش کو بعض آریہ صاحبوں کے اخبار نے ظاہر کیا ہے وہ بتلا رہا ہے کہ ایسے جوش کے وقت یہ خیالات بعید نہیں ہیں۔چنانچہ ضمیمہ اخبار پنجاب سما چار لاہور میں میری نسبت یہ چند سطر میں لکھی ہیں۔ایک حضرت نے شاید اپنی مصنفہ کتاب موعود سیحی میں یہ پیشگوئی بھی کی کہ پنڈت لیکھرام چھ سال کے عرصہ میں عید کے دن نہایت درد ناک حالت میں مرے گا۔یہ پیشگوئی اب قریب تھی۔کیونکہ غالباً ۱۸۹۷ء چھٹا سال تھا اور ۱۵ مارچ ۱۸۹۷ء آخری عید چھٹے سال کی تھی۔علانیہ بذریعہ تحریر و تقریر کہا کرتے تھے کہ پنڈت کو مار ڈالیں گے اور مزید برآں یہ کہ پنڈت اس عرصہ میں اور فلاں دن میں ایک درد ناک حالت میں مرے گا۔کیا آریہ دھرم کے اس مخالف اور چند ایک کتب کے ایک خاص مصنف کو ( یعنی اس عاجز کو ) اس سازش سے کوئی تعلق نہیں ہے۔“ اس اخبار والے نے اور ایسا ہی دوسروں نے اس پیشگوئی سے یہ نتیجہ نکالا ہے کہ یہ ایک منصوبہ تھا جو پیشگوئی کے طور پر مشہور کیا گیا جیسا کہ وہ اسی اخبار کے دوسرے صفحہ میں لکھتا ہے کہ یہ قتل کئی ایک اشخاص کی مدت کی سوچی اور سمجھی ہوئی اور پختہ سازش کا نتیجہ ہے۔ہم اس بات کو خود مانتے اور قبول کرتے ہیں کہ پیشگوئی کی تشریح میں بار بار تفہیم الہی سے یہی لکھا گیا تھا کہ وہ ہیبت ناک طور پر ظہور میں آئے گی اور نیز یہ کہ لیکھرام کی موت کسی بیماری سے نہیں ہوگی بلکہ خدا کسی ایسے کو اس پر مسلط کرے گا جس کی آنکھوں سے خون ٹپکتا ہوگا۔مگر جو پنجاب سما چار دہم مارچ ۱۸۹۷ء میں الہام کے حوالہ سے