مجموعہ اشتہارات (جلد 1) — Page 603
مجموعه اشتہارات ۶۰۳ جلد اول کی نہیں ہے جو آج کل دی جاتی ہے۔ الہی انصاف ہر گز یہ حکم نہیں دے سکتا کہ زید گناہ کرے اور خالد پکڑا جائے اور نہ یہ ہو سکتا ہے کہ خدا بھی بیٹے رکھتا ہو اور پھر باپ بیٹا عمر میں کمال میں ، جلال میں، مساوی اور تین بھی ہوں اور پھر ایک بھی۔ یہ سب الہی تعلیم پر زیادت ہے جو بد قسمت انسانوں نے دلیری سے کر لی ہے ورنہ انجیل میں تثلیث کا نام و نشان نہیں ۔ اگر حق محض پر زیادت کی جائے تو اس زیادت کا نام عربی زبان میں دجل ہے اور اس کے مرتکب کا نام دجال ہے اور چونکہ آئندہ کوئی نیا نبی نہیں آ سکتا اس لیے پہلے نبی کے تابع جب دجل کا کام کریں گے تو وہی دجال کہلائیں گے۔ سو یہ دجل پادریوں کے حصہ میں آیا۔ اس لیے جو شخص اس کی اصلاح کرے اس کا نام مسیح ہے کیونکہ اس نے مسیح کی سچی اور پاک تعلیم کو جھوٹ سے الگ کر کے دکھلا دیا۔ پس اس خیال سے جو اس نے خدا سے قوت پا کر مسیح کے خاص عہدے کا کام کیا مسیح کہلایا اور مسیح موعود ٹھہرا۔ اور چونکہ اس نے خدا تعالیٰ سے ہدایت پائی نہ کسی دوسرے ہادی سے اس لیے وہ مہدی بھی ٹھہرا۔ سو ہمارے مذہب کی اصل حقیقت یہ ہے اور جو شخص اس کے برخلاف کہے وہ دروغگو ہے۔ وَالسَّلَامُ عَلَى مَنِ اتَّبَعَ الْهُدَى المشتهر خاکسار مرزاغلام احمد قادیانی مورخه ۱۰ دسمبر ۱۸۹۴ء گلزار محمدی پریس لاہور میں باہتمام مالک چھپی ) ( یہ اشتہار ۳۰ کے کے صفحوں پر ہے ) تبلیغ رسالت جلد ۳ صفحه ۱۹۲ تا ۲۰۰) A