Name: ارشادات نور (جلد سوم۔ بعد از خلافت)
Author: Hazrat Hakeem Noor-ud-Deen

ارشادات نور (جلد سوم۔ بعد از خلافت) — Page 218

کافروں کا مال ناجائز طریق سے ہتھیانا ایک مرتبہ مولوی … صاحب یہاں تشریف لائے انہوں نے ایک نوجوان کو میرے سامنے پیش کیا اور کہا کہ یہ غریب ہے پر بڑا ہی نیک ہے آپ اس کو اپنے ہاں ملازم رکھیں۔میں نے اس کو رکھ لیا۔اس کو ایک روز میں نے ایک چونی دی اور کہا کہ اس کے پیسے بازار سے لے آؤ۔وہ بازار گیا اور اس نے سولہ پیسے مجھے لا کر دیئے۔میاں نجم الدین بڑا ہوشیار آدمی ہے وہ کہیں اس کے پیچھے چلاگیا۔معلوم نہیں کہ اس نے اس کو پیسے لیتے ہوئے دیکھا نہیں۔جب وہ واپس آیا تو میاں نجم الدین نے اس سے پوچھا کہ چونی بھی تمہارے پاس ہے اور چار آنے کے پیسے بھی تم لے آئے ہو۔اگر پیسے تمہارے پاس تھے تو تم نے وہیں دے دیئے ہوتے بازار جانے کی کیا ضرورت تھی۔اس نے کہا کہ پیسے تو میں بازار ہی سے لایا ہوں میرے پاس تو نہیں تھے۔دکان پر ایک لڑکا بیٹھا ہوا تھا میں نے اس سے چار آنے کے پیسے لئے۔اس نے مجھے پیسے دے کر چو ّنی وہیں رکھ دی۔میں نے اس کو دھوکا دینے کے لئے کہا کہ فلاں چیز اندر سے لا کر دکھلاؤ۔وہ اندر لینے گیا۔میں نے چو ّنی اٹھالی پھر اس کو کہہ دیا کہ میں یہ چیز نہیں خریدتا اور اس طرح سے چو ّنیبھی لے آیا اور پیسے بھی۔میاں نجم الدین نے کہا کہ یہ تو ناجائز ہے۔اس نے کہا کہ کافروں کا مال ہے ان سے ایسا ہی کرنا چاہیے۔(النساء:۱۴۲)۔میاں نجم الدین نے مجھے بتلایا کہ یہ معاملہ اس طرح ہے۔میں نے مولوی صاحب سے اس واقعہ کا ذکر کیا۔انہوں نے کہا کہ یہ امام شوکانی صاحب کا فتویٰ ہے اس لئے جائز ہے۔لڑکا نیک تو بہت ہے مگر اس فتویٰ سے مجبور ہے لیکن اگر یہ پکڑا جائے تو پھر کیا یہ نہ ہوگا کہ یہ نورالدین کا آدمی ہے۔دوسرے جب کافروں کا مال اس طرح سے لینا جائز ہے تو کل کو اگر یہ ہمیں بھی کافر کہہ دے تو پھر ہم کو بھی اسی طرح سے لوٹ لے گا۔پھر میں نے اس کو نکال دیا۔ایک مولوی کا کتابیں چورانے کا واقعہ فرمایا۔ایک اور لطیفہ سنائیں۔بھیرہ میں ہمارے