حیات ناصر ۔ جلد اوّل — Page 100
85 تسجد پڑھنے کی تاکید (۳) وہ تاریکی کا ملک ہے۔تاریکی روشنی کی دشمن ہے۔مومن روشنی کا حیوان ہے۔اور تاریکی میں زندہ نہیں رہ سکتا۔اس لئے اپنے لئے نور پیدا کرنے کی ہر ممکن کوشش کرو۔اس نور کے پیدا کرنے کا ایک بہترین ذریعہ قرآن کریم کے بتائے ہوئے طریق کے مطابق تجد ہے۔بلاناغہ تہجد پڑھنے کی کوشش کرو۔مگر وہاں کے حالات کے مطابق ایسے وقت میں تہجد پڑھو۔کہ اس کے بعد صبح کی نماز پڑھ کر سو سکو۔ورنہ اس کا کوئی فائدہ نہیں۔کہ انسان تہجد پڑھے۔اور صبح کی نماز قضا کر دے۔تلاوت قرآن کریم (۴) قرآن کریم میں نے تم کو حفظ کرا دیا۔اس کا یاد رکھنا تمہارا کام ہے۔اس کی روزانہ تلاوت کو نہ بھولنا۔میں اس کی خوبیوں کے متعلق پہلے کہہ چکا ہوں۔اس کے بھیجنے والے سے زیادہ اس کی کون تعریف کر سکتا ہے۔جو کچھ اس نے بتایا ہے اس کا خلاصہ یہ ہے۔کہ وہ نور ہے۔وہ بیان ہے۔وہ فرقان ہے۔وہ تفصیل لِكُلّ شَیئی ہے۔وہ قول کریم ہے۔وہ کتاب مکنون ہے۔علم و عمل کے لئے وہی سب کچھ ہے۔اور اس کے سوا جو کچھ ہے۔لغو ہے، فضول ہے، بلکہ زہر ہے۔ضرورت صرف اس امر کی ہے۔کہ انسان آنکھیں کھول کر اس کو پڑھے۔اور دل کی کھڑکیوں کو کھولے رکھے۔(0) دعا کرتے رہو دعا عبادت کا مغز ہے۔اور مومن کی جان ہے۔اور جو دعا میں