حیات طیبہ — Page 158
158 اس مباہلہ کا اثر اس مباہلہ کا کیا اثر ہوا ؟ حضرت اقدس نے اپنی کتاب انجام آتھم میں ایسے دنس امور درج فرمائے ہیں جن سے ظاہر ہوتا ہے کہ حضرت اقدس کو خدا تعالیٰ نے اس مباہلہ کے بعد اپنی روحانی اور جسمانی برکتوں سے مالا مال کر دیا۔ذیل میں ہم حضرت اقدس ہی کے الفاظ میں ان دس امور کا خلاصہ لکھتے ہیں : اول۔آتھم کی نسبت جو پیشگوئی کی گئی تھی وہ اپنے واقعی معنوں کی رُو سے پوری ہوگئی۔دوسرا امر جو مباہلہ کے بعد میری عزت کا موجب ہوا وہ ان عربی رسالوں کا مجموعہ ہے جو مخالف مولویوں اور پادریوں کے ذلیل کرنے کے لئے لکھا گیا تھا۔تیسرا امر مباہلہ سے پہلے شاید تین چار سو آدمی ہوں گے اور اب آٹھ ہزار سے کچھ زیادہ وہ لوگ ہیں جو اس راہ میں جاں فشاں ہیں۔چوتھا امر جو مباہلہ کے بعد میری عزت کا موجب ہوا۔رمضان میں خسوف وکسوف ہے۔سوخدا نے مباہلہ کے بعد یہ عزت بھی میرے نصیب کی۔پانچواں امر جو مباہلہ کے بعد میرے لئے عزت کا موجب ہوا علم قرآن میں اتمام حجت ہے۔تم لوگوں میں سے کسی کی مجال نہیں کہ میرے مقابل پر قرآن شریف کے حقائق و معارف بیان کر سکے۔چھٹا امر جو اس مباہلہ کے بعد میری عزت اور عبدالحق کی ذلت کا موجب ہوا یہ ہے کہ عبد الحق نے مباہلہ کے بعد اشتہار دیا تھا کہ ایک فرزند اس کے گھر میں پیدا ہوگا اور میں نے بھی خدا تعالیٰ سے الہام پا کر یہ اشتہار انوار الاسلام میں شائع کیا تھا کہ خدا تعالیٰ مجھے لڑکا عطا کرے گا۔سوخدا تعالیٰ کے فضل اور کرم سے میرے گھر میں تو لڑکا پیدا ہو گیا جس کا نام شریف احمد ہے۔اب عبد الحق کو ضرور پوچھنا چاہئے کہ اس کا لڑکا کہاں گیا؟ ساتواں امر جو مباہلہ کے بعد میری عزت اور قبولیت کا باعث ہوا۔خدا کے راستباز بندوں کا وہ مخلصانہ جوش ہے جو انہوں نے میری خدمت کے لئے دکھلایا۔مجھے بھی یہ طاقت نہ ہوگی کہ میں خدا کے ان احسانات کا شکر ادا کر سکوں جو روحانی اور جسمانی طور پر مباہلہ کے بعد میرے واردِ حال ہو گئے۔روحانی انعامات کا نمونہ میں لکھ چکا ہوں یعنی یہ کہ خدا تعالیٰ نے مجھے وہ علم قرآن اور علم زبان محض