حیاتِ خالد — Page 107
حیات خالد 113 مناظرات کے میدان میں درج کیا ہے۔محترم شیخ صاحب مولانا ابوالعطاء صاحب جالندھری کا ایک نہایت دلچسپ واقعہ کے عنوان سے تحریر فرماتے ہیں :۔ا خویم محترم مولانا ابوالعطاء صاحب جالندھری کا ایک دلچسپ واقعہ بیان کرتا ہوں جو آپ کو بہت ابتدائی زمانہ میں پیش آیا تھا۔محترم مولانا صاحب فرمایا کرتے ہیں کہ مولوی فاضل کا امتحان پاس کرنے کے بعد ابھی ہم لوگ مبلغین کلاس میں حضرت حافظ روشن علی صاحب سے پڑھتے تھے کہ جماعت کوہ مری کا تار مرکز میں پہنچا کہ جناب ڈاکٹر سید محمد حسین شاہ صاحب ( جو ایک سرکردہ غیر مبائع تھے ) کے ساتھ مناظرہ مقرر ہوا ہے مہربانی فرما کر حضرت حافظ روشن علی صاحب کو بھیجا جائے۔حضرت حافظ صاحب نے مجھے فرمایا کہ تم چلے جاؤ۔میں اس زمانہ میں دُبلا پتلا تھا۔علاوہ ازیں مجھے باہر کے لوگ جانتے بھی نہ تھے مگر میں تقبیل ارشاد کیلئے تیار ہو گیا۔جب مری پہنچا تو جماعت کے لوگ مجھے دیکھ کر بہت مایوس ہوئے اور بعض نے آپس میں کانا پھوسی بھی کی کہ ڈاکٹر محمد حسین صاحب جیسے جہاندیدہ اور تجربہ کار انسان کے مقابل میں ایک بچہ کو بھیج دینا کیا معنی رکھتا ہے مرکز والوں نے یہ کیا کیا ؟ مگر مجبور تھے وقت مقررہ پر مجھے ساتھ لے گئے۔جب ہم لوگ ڈاکٹر صاحب موصوف کی کوٹھی پر پہنچے تو ڈاکٹر صاحب نے ہمیں شرمندہ اور ذلیل کرنے نیز نیچا دکھانے کیلئے اپنی بیٹھک میں میں چھپیں لمبی لمبی داڑھیوں والے پٹھان بٹھائے ہوئے تھے جن میں سے بعض کے ہاتھوں میں تنبیخیں بھی تھیں۔بیٹھک میں داخل ہوتے ہی جناب ڈاکٹر صاحب موصوف نے مجھے کہا کہ مولانا! ہماری آپ کے ساتھ اور کوئی بحث نہیں۔صرف اتنا بتا دیجئے کہ یہ تمام شریف لوگ جو کلمہ لَا إِلَهَ إِلَّا اللَّهُ مُحَمَّدٌ رسُولُ الله کے قائل ہیں، نمازیں پڑھتے ہیں، روزے رکھتے ہیں، ان میں بعض حاجی بھی ہیں اور باقی بھی تمنا رکھتے ہیں کہ اگر موقعہ ملے تو حج بیت اللہ کیلئے تشریف لے جائیں مومن ہیں یا کافر؟ محترم مولانا فرماتے ہیں کہ میں ڈاکٹر صاحب کا یہ سوال سن کر پہلے تو بہت گھبرایا مگر اللہ تعالیٰ کی طرف توجہ کرنے پر فوراً ایک جواب سوجھا جس پر میں نے ڈاکٹر صاحب کو کہا کہ ڈاکٹر صاحب اقبل اس کے کہ میں آپ کے اس سوال کا جواب دوں پہلے آپ میرے ایک سوال کا جواب دیں۔ڈاکٹر صاحب نے فرمایا کہئے آپ کا کیا سوال ہے؟ میں نے کہا۔آپ یہ بتائیے کہ جو لوگ حضرت مسیح موعود علیہ الصلواۃ والسلام کو کافر کہتے ہیں وہ آپ کے نزدیک مسلمان ہیں یا کافر ؟ ڈاکٹر صاحب نے جھٹ جواب دیا کہ وہ چونکہ ایک