حیاتِ احمد (حیاتِ احمد۔ جلد چہارم) — Page 528
حیات احمد ۵۲۸ جلد چهارم کے فرش کے برابر کر دیا گیا اس میں مکرم مولوی محمد علی صاحب مرحوم مغفور کا دفتر تھا۔نماز کے وقت یہ بھی مسجد کا کام دیتا۔آخر مسجد جس قدر اس طرح پر فراخ ہوتی۔نمازیوں کی کثرت اسے تنگ کر دیتی اس لئے آپ نے اس کی توسیع کے لئے اعلان کیا۔بِسْمِ اللهِ الرَّحْمٰنِ الرَّحِيمِ نَحْمَدُهُ وَنُصَلِّي عَلَى رَسُوْلِهِ الْكَرِيمِ قَالَ اللَّهُ عَزَّوَجَلٌ تَعَاوَنُوْا عَلَى الْبِرِّ وَالتَّقْوَى چونکہ ہماری وہ مسجد جو گھر کے نزدیک ہے جس میں پانچ وقت کی نماز پڑھی جاتی ہے بہت تنگ ہے اور نماز کے وقت اکثر یہ تکلیف رھتی ہے کہ نمازی یا تو دوسری مسجد کی طرف دوڑتے ہیں اور یا اگر کم ہوں تو گھر کی کسی کوٹھڑی میں یا دوسری چھت پر کھڑے ہوکر بہ نہایت وقت نماز ادا کرتے ہیں۔میرے دل میں مدت کا خیال تھا اگر اس مسجد کی دہنی طرف جو زمین خالی پڑی ہے ایک مکان تیار ہو کر مسجد کے ساتھ ملا دیا جائے تو کم سے کم چالیس آدمی اس میں نماز کے لئے کھڑے ہو سکتے ہیں۔اور اگر اوپر ایک اور چھت ہو تو اسی آدمی نماز پڑھ سکتے ہیں۔یہ خیال مدت کا تھا مگر باعث کمزوری اپنی جماعت کے اس کے اظہار میں تامل تھا۔آج میں نے سوچا کہ ہر ایک کام خدا کرتا ہے نہ کہ انسان۔کیا تعجب ہے کہ چندہ سے یہ کام نکل سکے اور اس کارِ خیر کی برکت سے خدا ایسے لوگوں کو بھی توفیق دے دے جو بے توفیق ہوں اور ثواب آخرت اور خوشنودی الہی کا موجب ہو۔کیونکہ یہ وہ مسجد ہے جس کی نسبت اس عاجز کو الہام ہوا تھا۔وَمَنْ دَخَلَهُ كَانَ آمِنًا اور جس کی نسبت مُبَارَكَ وَ مُبَارِكٌ وَكُلُّ أَمْرٍ مُبَارَكَ يُجْعَلُ فِيْهِ اور جس پر فرشتوں کو تحریر کرتے دیکھا تھا۔سوتَوَكَّلًا عَلَی اللہ اس حصہ مسجد کے لئے یہ اشتہار دیتا