حیاتِ احمد (حیاتِ احمد۔ جلد چہارم) — Page 16
حیات احمد جلد چهارم ضخامت چھ سو صفحہ کے قریب ہے۔اور کا غذ عمدہ اور کتاب خوشخط اور قیمت دو روپیہ ) اور محصول علاوہ ہے۔اور یہ صرف ایک حصہ ہے اور دوسرا حصہ الگ طبع ہوگا۔اور قیمت اس کی الگ ہوگی اور اس میں علاوہ حقائق و معارف قرآنی اور لطائف کتاب رب عزیز کے ایک وافر حصہ ان پیشین گوئیوں کا بھی موجود ہے۔جن کو اوّل سراج منیر میں شائع کرنے کا ارادہ تھا اور میں اس بات پر راضی ہوں کہ اگر خریداران کتاب میری اس تعریف کو خلاف واقعہ پاویں تو کتاب مجھے واپس کر دیں۔میں بلا توقف ان کی قیمت واپس بھیج دوں گا۔لیکن یہ شرط ضروری ہے کہ کتاب کو دو ہفتے کے اندر واپس کریں اور دست مالیدہ اور داغی نہ ہو۔اخیر میں یہ بات بھی لکھنا چاہتا ہوں کہ اس کتاب کی تحریر کے وقت دو دفعہ جناب رسول اللہ صلی اللہ علیہ وسلم کی زیارت مجھ کو ہوئی اور آپ نے اس کتاب کی تالیف پر بہت مسرت ظاہر کی۔اور ایک رات یہ بھی دیکھا کہ ایک فرشتہ بلند آواز سے لوگوں کے دلوں کو اس کتاب کی طرف بلاتا ہے۔اور کہتا ہے۔هَذَا كِتَابٌ مُبَارَكٌ فَقُوْمُوا لِلْإِجْلَالِ وَ الْإِكْرَامِ یعنی یہ کتاب مبارک ہے اس کی تعظیم کے لئے کھڑے ہو جاؤ۔اب گزارش مدعا یہ ہے کہ جو صاحب اس کتاب کو خریدنا چاہیں وہ بلا توقف مصم ارادہ سے اطلاع بخشیں تا کہ کتاب بذریعہ ویلیو پے ایبل ان کی خدمت میں روانہ کی جائے۔وَالسَّلَامُ عَلَى مَنِ اتَّبَعَ الْهُدَى خاکسار غلام احمد از قادیان ضلع گورداسپورہ پنجاب (مطبوعہ ریاض ہند قادیان) یہ اشتہار ضمیمہ آئینہ کمالات اسلام ایڈیشن اول مطبوعہ ریاض ہند قادیان کے صفحہ ۴ پر ہے) تبلیغ رسالت جلد ۳ صفحه ۱ تا ۳- مجموعه اشتہارات جلد اصفحه ۳۰۲،۳۰۱ طبع بار دوم )