حیاتِ احمد (حیاتِ احمد۔ جلد چہارم) — Page 142
حیات احمد ۱۴۲ جلد چهارم صاحبان آپ کے ہم مذہب دین عیسوی پر حرف لاتے ہیں اور کئی ایک سوال و جواب کرتے اور کرنا چاہتے ہیں اور نیز اسی طرح سے مسیحیوں نے بھی دین محمدی کے حق میں کئی تحقیقا تیں کرلی ہیں۔اور مباہلہ از حد ہو چلا ہے۔لہذا راقم رقیمہ کی دانست میں طرقہ بہتر اور مناسب یہ معلوم ہوتا ہے کہ ایک جلسہ عام کیا جائے جس میں صاحبان اہلِ اسلام معہ علماء و دیگر بزرگانِ دین کے جن پر کہ ان کی تسلی ہو موجود ہوں اور اسی طرح سے مسیحیوں کی طرف سے بھی کوئی صاحب اعتبار پیش کئے جاویں تا کہ جو باہمی تنازعہ ان دونوں میں ہو رہے ہیں خوب فیصل کئے جاویں اور نیکی اور بدی اور حق اور خلاف ثابت ہو دیں۔لہذا چونکہ اہل اسلام جنڈیالہ کے درمیان آپ صاحب ہمت گنے جاتے ہیں ہم آپ کی خدمت میں از طرف مسیحان جنڈیالہ التماس کرتے ہیں کہ آپ خواہ خود یا اپنے ہم مذہبوں سے مصلحت کر کے ایک وقت مقرر کریں اور جس کسی بزرگ پر آپ کی تسلی ہوا سے طلب کریں۔اور ہم بھی وقت معین پر محفل شریف میں کسی اپنے کو پیش کریں گے۔کہ جلسہ میں فیصلہ امورات مذکورہ بالا کا بخوبی ہو جائے اور خداوند صراط المستقیم سب کو حاصل کرے۔ہم کسی ضد یا فساد یا مخالفت کی رو سے اس جلسہ کے در پے نہیں ہیں مگر فقط اس بناء سے کہ جو باتیں برحق اور پسندیدہ ہیں سب صاحبان پر خوب ظاہر ہوں۔دیگر التماس یہ کہ اگر صاحبان اہلِ اسلام ایسے مباحثہ میں شریک نہ ہونا چاہیں تو آئندہ کو اپنے انپ گلام کو میدانِ گفتگو میں جولانی نہ دیں اور وقت منادی یا دیگر موقعوں پر حجت بے بنیا د و لا حاصل سے باز آ کر خاموشی اختیار کریں۔از راہ مہربانی اس خط کا جواب جلدی عنایت فرماویں تا کہ اگر آپ ہماری اس دعوت کو قبول کریں تو جلسہ کا اور ان مضامین کا جن کی بابت مباحثہ ہونا ہے معقول انتظام کیا جائے۔فقط زیادہ سلام یہ نقل بطور اصل کے ہے۔الراقم مسیحان جنڈیالہ مارٹن کلارک امرتسر ( دستخط انگریزی میں ہیں)