حیاتِ احمد (حیاتِ احمد۔ جلد اوّل) — Page 148
حیات احمد ۱۴۸ جلد اوّل حصہ اول آسمان سے آئے ایک کا نام ان میں سے خیراتی تھا۔وہ بھی ان کے ساتھ زمین پر بیٹھ گئے اور میں چار پائی پر بیٹھا رہا۔تب میں نے اُن فرشتوں اور مولوی عبداللہ صاحب کو کہا کہ آؤ میں ایک دعا کرتا ہوں۔تم آمین کرو۔تب میں نے یہ دعا کی کہ رَبِّ اذْهَبْ عَنِّى الرِّجْسَ وَطَهِّرْنِي تَطْهِيرًا اس کے بعد وہ تینوں فرشتے آسمان کی طرف اٹھ گئے۔اور مولوی عبداللہ صاحب بھی آسمان کی طرف اٹھ گئے۔اور میری آنکھ کھل گئی۔اور آنکھ کھلتے ہی میں نے دیکھا کہ ایک طاقت بالا مجھ کو ارضی زندگی سے بلند تر کھینچ کر لے گئی۔اور وہ ایک ہی رات تھی جس میں خدا نے بتمام و کمال میری اصلاح کر دی اور مجھ میں وہ تبدیلی واقع ہوئی کہ جو انسان کے ہاتھ سے یا انسان کے ارادہ سے نہیں ہو سکتی۔“ تریاق القلوب صفحه ۹۴ ۹۵ - روحانی خزائن جلد ۵ صفحه ۳۵۲۳۵۱) اور اُنہیں دنوں میں شاید اس رات سے اول یا اُس رات کے بعد میں نے کشفی حالت میں دیکھا کہ ایک شخص جو مجھے فرشتہ معلوم ہوتا ہے۔مگر خواب میں محسوس ہوا کہ اُس کا نام شیر علی ہے اُس نے مجھے ایک جگہ لٹا کر میری آنکھیں نکالی ہیں اور صاف کی ہیں اور میل اور کدورت ان میں سے پھینک دی اور ہر ایک بیماری اور کو تہ بینی کا مادہ نکال دیا ہے۔اور ایک مصفا نور جو آنکھوں میں پہلے سے موجود تھا مگر بعض مواد کے نیچے دبا ہوا تھا اس کو ایک چمکتے ہوئے ستارے کی طرح بنا دیا ہے۔اور یہ عمل کر کے پھر وہ شخص غائب ہو گیا اور میں اس کشفی حالت سے بیداری کی طرف منتقل ہو گیا۔“ تریاق القلوب صفحه ۹۵ - روحانی خزائن جلد ۱۵ صفحه ۳۵۲) میں آپ کی زندگی پر یہ اجمالی ربانی شہادت پیش کرتا ہوں۔والا الہامات الہیہ سے آپ کی زندگی کے مختلف پہلوؤں پر بحث اپنی اپنی جگہ انشاء اللہ ہوگی۔