حمد و مناجات — Page 55
2 IN 55 کر وہ عمل کہ جس کی جزا میں خدا ملے ہمت بلند کر کہ یہی مدعا ملے گر مل گیا خدا تجھے سب کچھ ہی مل گیا باقی وہ کیا رہے گا جو رب العلمی ملے گر ذوقِ دید و وصل خدا چاہیے تجھے کوشش سے کر دُعا تجھے عشق خُدا ملے جب تک کسی کو بھوک نہ ہو اور پیاس ہو کھانا لذیذ بھی ہو نہ اُس کو مزا ملے ہر اک مرض کے واسطے خالق ہے خود دوا اے کاش اس علاج سے تجھ کو شفا ملے دُنیا بدل رہی ہے تغیر سے روز وشب جو بے بدل ہے کاش وہ عین البقاء ملے جو کچھ بغیر حق کے ہے باطل ہے جانِ من طالب تو حق کا بن کہ تجھے حق نُما ملے عالم ہے مثلِ آئینہ ربّ جہان کا جب آئینہ ہو صاف تو عکس صفا ملے ہے واجب الوجود ازل سے ابد تلک ممکن بھی ہے وجوب نما گر ہدا ملے دنیا میں یہ نظام شریعت بھی راز ہے قدرت کا ہر نظام بھی اس سے ہی آملے خلاصہ سبھی کائنات کا ہے سرِ کائنات جو عقدہ کشا ملے انسان ہے اک دائرہ کی شکل میں ہستی کا دور ہے جیسے کہ سر قدس سے قدوس آملے قدسی درخت ہستی اقدس کا ہے ثمر نقطہ انتہا سے ہی ہر ابتدا ملے