حدیقۃ الصالحین

حدیقۃ الصالحین — Page 11

11 2 مشہور : وہ حدیث جس کے راوی سند کے کسی حصہ میں بھی تین سے کم نہ ہوں۔3 عزیز: وہ حدیث جس کے راوی سند کے کسی حصہ میں دو رہ گئے ہوں لیکن کہیں بھی دو سے کم نہ ہوں۔۔4 غریب وہ حدیث جس کی سند کے کسی حصہ میں ایک راوی رہ گیا ہو۔راویوں کی صفات کے لحاظ سے احادیث کی اقسام 1۔صحیح : وہ حدیث جسے ایسے راویوں نے بیان کیا ہو جو سچ بولنے اور بچ پر قائم رہنے میں شہرت رکھتے ہوں، نیک ہوں، بڑے دیانتدار ، صوم و صلوۃ کے پابند اور منہیات شرعی سے پر ہیز کرنے والے ہوں، ان کا حافظہ قوی اور سمجھ بہت عمدہ ہو اور اس حدیث کی سند متصل ہو یعنی درمیان سے کوئی رہا ہوا نہ ہو۔2 حسن: وہ حدیث ہے جس کے کسی راوی کے حافظہ میں کسی قدر کمی ہو لیکن باقی صفات مکمل طور پر صحیح والی موجود ہوں کوئی اور نقص ان میں موجو د نہ ہو۔3 ضعیف: وہ حدیث ہے جس میں صحیح یا حسن والی شر طیں نہ پائی جاتی ہوں مثلاً حدیث کے راوی کی دیانتداری میں کسی کو کلام ہو یا راوی کا حافظہ خاصہ کمزور ہو طوري۔4 موضوع: جھوٹی حدیث یعنی ایک بات غلط طور پر یا جھوٹ موٹ آنحضرت صلی کم کی طرف منسوب کر دی گئی ہو اور آپ نے ایسا نہ فرمایا ہو۔۔5 مقبول: وہ حدیث ہے جو صحیح ہو یا حسن۔6 مردود: وہ حدیث ہے جو ضعیف ہو یا موضوع۔ایسی حدیث رڈ کرنے کے قابل ہے۔کتب حدیث کی اقسام کتب احادیث کو طرز تصنیف، مقصد تحریر اور مصنف کی ذاتی محنت اور دقت نظر کے اعتبار سے مختلف اقسام میں مقسم کیا گیا ہے۔مثلاً 1۔مسند حدیث کی وہ کتاب جس میں ہر صحابی کی بیان کردہ احادیث کو الگ الگ بلالحاظ مضمون جمع کر دیا گیا ہو مثلاً پہلے حضرت ابو بکر رضی اللہ عنہ کی بیان کردہ احادیث پھر حضرت عمر رضی اللہ عنہ کی بین کر دہ احادیث،