فقہ المسیح

فقہ المسیح — Page 419

فقه المسيح فرمایا: 419 نئی ایجادات یہ ایک نئی ایجاد ہے، پہلی کتب میں اس کا ذکر نہیں۔بعض اشیاء میں ایک من جانب اللہ خاصیت ہے جس سے تصویر اتر آتی ہے۔اگر اس فن کو خادم شریعت بنایا جاوے تو جائز ہے۔“ فوٹوگرافی ( بدر 24، 31 دسمبر 1908 ءصفحہ 5) منشی نظیر حسین صاحب نے سوال کیا کہ میں فوٹو کے ذریعہ تصویر میں اتارا کرتا تھا اور دل میں ڈرتا تھا کہ کہیں یہ خلاف شرع نہ ہو لیکن جناب کی تصویر دیکھ کر یہ وہم جاتا رہا۔فرمایا إِنَّمَا الْأَعْمَالُ بِالنِّيَّاتِ ہم نے اپنی تصویر محض اس لحاظ سے اتر وائی تھی کہ یورپ کو تبلیغ کرتے وقت ساتھ تصویر بھیج دیں، کیونکہ ان لوگوں کا عام مذاق اسی قسم کا ہو گیا ہے کہ وہ جس چیز کا ذکر کرتے ہیں ساتھ ہی اس کی تصویر دیتے ہیں جس سے وہ قیافہ کی مدد سے بہت سے صحیح نتائج نکال لیتے ہیں۔مولوی لوگ جو میری تصویر پر اعتراض کرتے ہیں۔وہ خود اپنے پاس روپیہ پیسہ کیوں رکھتے ہیں کیا ان پر تصویریں نہیں ہوتی ہیں۔اسلام ایک وسیع مذہب ہے جو اعمال کا مدار نیات پر رکھتا ہے۔بدر کی لڑائی میں ایک شخص میدان جنگ میں نکلا جو اترا کر چلتا تھا۔آنحضرت ﷺ نے فرمایا کہ دیکھو یہ چال بہت بُری ہے کیونکہ خدا تعالیٰ نے فرمایا ہے : لَا تَمُشِ فِي الْأَرْضِ مَرَحًا (بنی اسرائیل: 38) مگر اس وقت یہ چال خدا تعالیٰ کو بہت ہی پسند ہے کیونکہ یہ اس کی راہ میں اپنی جان تک شار کرتا ہے اور اس کی نیت اعلیٰ درجہ کی ہے۔غرض اگر نیت کا لحاظ نہ رکھا جاوے تو بہت مشکل پڑتی ہے۔اسی طرح پر ایک مرتبہ آنحضرت ﷺ نے فرمایا کہ جن کا تہ بند نیچے ڈھلکتا ہے وہ دوزخ میں جاویں گے۔حضرت ابو بکر یہ سن کر رو پڑے کیونکہ اُن کا نہ بند بھی ویسا تھا۔