دُرِّثمین اُردو — Page 31
۳۱ جو اُس کے لئے کھوتے ہیں پاتے ہیں جو مرتے ہیں وہ زندہ ہو جاتے ہیں وہی وَحدَهُ لا شریک اور عزیز نہیں اُس کی مانند کوئی بھی چیز اگر جاں کروں اس کی راہ میں خدا تو پھر بھی نہ ہو شکر اُس کا ادا میں چولے کا کرتا ہوں پھر کچھ بیاں کہ ہے یہ پیارا مجھے جیسے جاں ذرا جنم ساکھی کو پڑھ اے جواں ! کہ انگر نے لکھا ہے اس میں عیاں که قدرت کے ہاتھوں کے تھے وہ رقم خدا ہی نے لکھا بہ فضل و کرم وہ کیا ہے یہی ہے کہ اللہ ہے ایک محمد نبی اُس کا پاک اور نیک بغیر اس کے دل کی صفائی نہیں بجز اس کے غم سے رہائی نہیں یہ معیار ہے دیں کی تحقیق کا کھلا فرق دجال و صدیق کا ذرا سوچو یارو! گر انصاف ہے یہ سب کشمکش اس گھڑی صاف ہے ٹانک سے کرنے لگے جب جُدا رہے زور کر کر کے بے مدعا کہا دُور ہو جاؤ تم ہار کے یہ خلعت ہے ہاتھوں سے کرتار کے بشر سے نہیں تا اُتارے بشر خدا کا کلام اس پہ ہے جلوہ گر دعا کی تھی اُس نے کہ اے کردگار! بتا مجھ کو رہ اپنی خود کر کے پیار