دُعائے مستجاب — Page 39
دعائے مستجاب۔دُعا کے فوائد دُعا کے فوائد میں سے ایک بہت بڑا فائدہ یہ ہے کہ اس سے خدا تعالیٰ کے غیر معمولی فضل نازل ہوتے ہیں۔اس امر پر روشنی ڈالتے ہوئے حضور فرماتے ہیں: وو میں اپنے گذشتہ خطبات میں اس امر کا ذکر کر چکا ہوں کہ نہ تو وہ مخالفت پوری طرح ہمارے رستہ سے ہٹی ہے جو سلسلہ احمدیہ کو نقصان پہنچانے کے لئے بعض دشمنان سلسلہ کی سازش سے شروع کی گئی تھی اور نہ ایسے حالات ہی پیدا ہوئے ہیں جن کے ماتحت ہم یہ کہہ سکیں کہ قریب عرصہ میں وہ مخالفتیں خود بخو د ڈوب جائیں گی یا بیٹھ جائیں گی۔اللہ تعالیٰ کی طرف سے نشان بے شک ظاہر ہوئے ہیں۔اور اس کی تائید ہمیں حاصل ہوئی ہے مگر وہ ایسی صورت میں ہے کہ ابھی دشمن اس سے مرعوب نہیں ہوا۔گویا وہ پہلی رات کا چاند ہے جسے تیز نظر والوں نے تو دیکھ لیا مگر کمزور نظر والے ابھی محروم ہیں۔روحانی آنکھ کو تو وہ تائید و نصرت نظر آرہی ہے مگر جن کی روحانیت مُردہ ہے انہیں وہ تائید و نصرت نظر نہیں آرہی۔اس لئے اس سے عبرت پکڑنے کو ابھی وہ تیار نہیں ہیں اور فائدہ اُٹھانے کیلئے آمادہ نظر نہیں آتے۔“ پس ہمارا فرض ہے کہ ہم ان تمام سامانوں کو اور ان تمام ذرائع کو اور ان 39