دینی معلومات کا بنیادی نصاب برائے انصاراللہ — Page 197
197 کرتے ہوئے یہ اعلان بھی کر دیا تھا کہ انشاء اللہ یہ رقم پانچ کروڑ تک پہنچ جائے گی۔اس مالی جہاد میں شرکت کی وضاحت کرتے ہوئے فرمایا کہ: وہ لوگ جو ملا زمت پیشہ یا مزدور پیشہ ہیں اور ان کی ماہوار آمد معین ہے۔وہ اپنے وعدہ کو سولہ پر تقسیم کر دیں اور ہر سال کا جو حصہ بنتا ہے اسے بارہ ماہ میں تقسیم کر کے ماہ بماہ ادا ئیگی کرتے چلے جائیں“۔زمیندار احباب کے بارے میں جن کی سال میں دو بار آمد ہوتی ہے۔فرمایا کہ:۔وہ ہر فصل پر اپنے وعدہ کا۱/۳۲ حصہ ادا کرتے رہیں۔باقی افراد جو تاجر پیشہ ہیں یا وکلاء، ڈاکٹر انجنیئر وغیرہ ہیں اور جن کی آمد نہ معین ہوتی ہے نہ اس کا وقت مقرر ہے وہ پہلے سال میں ہی شرح کا خیال رکھے بغیر ہمت کر کے جس قدر زیادہ سے زیادہ دے سکتے ہوں ادا کریں اور پھر ہر سال اپنا وعدہ آمد کے مطابق ادا کریں“۔اس عظیم منصوبہ کے روحانی پہلو کے طور پر حضور نے سولہ سال کے لئے جو پروگرام تجویز فرمایا وہ یہ تھا:۔ا۔جماعت احمدیہ کے قیام پر ایک صدی مکمل ہونے تک ہر ماہ احباب جماعت ایک نفلی روزہ رکھا کریں جس کے لئے ہر قصبہ، شہر یا محلہ میں