دینی معلومات کا بنیادی نصاب برائے انصاراللہ — Page 149
149 حضرت عمر فاروق عہد خلافت ۶۶۳۴ ۶۶۴۴۔ابتدائی زندگی حضرت عمر فاروق رضی اللہ عنہ آنحضرت صلی اللہ علیہ وسلم کے خلیفہ ثانی تھے۔آپ کا نام عمر ، لقب فاروق اور کنیت ابنِ خطاب تھی۔والد کا نام الخطاب بن نصیل تھا۔۵۸۱ء میں مکہ میں پیدا ہوئے۔بچپن میں اپنے والد کے اونٹ وغیرہ چراتے رہے۔ذرا ہوش سنبھالا تو لکھنا پڑھنا سیکھا۔جوان ہوئے تو تجارت کو ذریعہ معاش بنایا اور اکثر شام و عراق کے سفر کئے۔قبول اسلام اسلام کے ابتدائی ایام میں حضرت عمرؓ اسلام سے سخت دشمنی رکھتے تھے۔ایک دن تلوار لے کر آنحضرت صلی اللہ علیہ وسلم سے قتل کے ارادے سے گھر سے نکلے۔راستہ میں کسی نے کہا پہلے اپنی بہن کی تو خبر لو۔وہ مسلمان ہو چکی ہے۔اس پر فورا بہن کے گھر کا رخ کیا۔وہاں پہنچے تو قرآن مجید کی تلاوت ہو رہی تھی اُسے سن کر دل صاف ہو گیا اور آنحضرت صلی اللہ علیہ وسلم کی خدمت میں حاضر ہوکر اسلام قبول کر لیا۔حضرت عمرؓ کے اسلام لانے سے مسلمانوں کو بہت تقویت پہنچی آنحضر