دینی معلومات کا بنیادی نصاب برائے انصاراللہ — Page 144
144 حضرت ابو بکر صدیق عہد خلافت ۶۳۲ء ۶۳۴ء آنحضرت صلی اللہ علیہ وسلم کے وصال کے بعد حضرت ابوبکر پہلے خلیفہ منتخب ہوئے۔آپ کو یہ خصوصیت حاصل تھی کہ آنحضرت صلی اللہ علیہ وسلم کے ساتھ عہد شباب سے ہی گہرے دوستانہ مراسم تھے اور جب آنحضور صلی اللہ علیہ وسلم نے دعوی نبوت کیا تو مر دوں میں سے سب سے پہلے آپ نے اسلام کی دعوت کو قبول کیا اور آنحضور صلی اللہ علیہ وسلم کے دعوی کی تصدیق کر کے صدیق کا لقب پایا۔ابتدائی زندگی حضرت ابوبکر کا نا عبداللہ، لقب صدیق اور کنیت ابو بکر تھی۔والد کا نام ابو قحافہ اور والدہ کا نام اُم الخیر سلمی تھا۔چھٹی پشت میں آپ کا شجرہ نسب آنحضرت صلی اللہ علیہ وسلم سے جاملتا ہے۔آپ ۵۷۲ء میں مکہ میں پیدا ہوئے اور وہیں آپ کا بچپن گذرا۔جب جوان ہوئے تو کپڑے کی تجارت کرنے لگے۔آنحضرت صلی اللہ علیہ وسلم کے پاکیزہ اخلاق اور اوصاف حمیدہ کا گہرا نقش آپ کے دل پر تھا۔یہی وجہ ہے کہ جب آپ کو علم ہوا کہ آنحضرت صلی اللہ علیہ وسلم نے نبوت کا دعویٰ کیا ہے تو فوراً اس کی تصدیق کی اور اسلام قبول کرنے میں اولیت کا شرف حاصل کیا۔اسلام قبول کرنے کے بعد خدمت دین کو اپنا شعار بنایا آپ کی کوششوں سے