دینی نصاب — Page 73
مقرر کر کے لوگوں کو کھانا کھلاتے ہیں۔بعض لوگ متواتر چالیس دن تک کھانا کھلاتے ہیں اس بارے میں حضرت مسیح موعود علیہ السلام کا ارشاد ہے:۔طعام کا ثواب مردوں کو پہنچتا ہے۔گذشتہ بزرگوں کو ثواب پہنچانے کی خاطر اگر طعام پکا کر کھلایا جائے تو یہ جائز ہے۔لیکن ہر ایک ( عمل ) نیت پر موقوف ہے۔اگر کوئی شخص اس طرح کے کھانے کے واسطے کوئی خاص تاریخ مقرر کرے اور ایسا کھانا کھلانے کو اپنے لئے قاضی الحاجات خیال کرے تو یہ ایک بت ہے اور ایسے کھانے کا لینا دینا سب حرام اور شرک میں داخل ہے۔(اخبار بدر ۱۸ اگست ۱۹۰۷ء) عرس منانا : 66 آج کل خانقاہوں پر عُرس منانے کا بڑا رواج ہے۔ان موقعوں پر قبروں کے طواف کئے جاتے ہیں۔ان پر غلاف چڑھائے جاتے ہیں۔قبروں کو بوسہ دیا جاتا ہے۔عورتیں اور مرد ناچتے ہیں۔خانقاہوں کو خوب سجایا جاتا ہے۔طوائفیں بلوا کر گیت سُنے جاتے ہیں اس بارے میں حضرت مسیح موعود علیہ السلام نے فرمایا :- شریعت تو اس بات کا نام ہے کہ جو کچھ آنحضرت صلی اللہ علیہ وسلم نے دیا ہے اُسے لے لے۔اور جس بات سے منع کیا ہے اُس سے ہٹے۔لوگ اس وقت قبروں کا طواف کرتے ہیں۔ان کو مسجد بنایا ہوا ہے۔عرس وغیرہ ایسے جلسے نہ منہاج نبوت ہے نہ طریق سنت ہے۔“ ( ملفوظات جلد پنجم صفحه ۱۲۵) بارہ وفات حضرت خلیفہ المسیح اول رضی اللہ عنہ فرماتے ہیں :۔وو ایسے عرس میں خواہ نبی کریم صلی اللہ علیہ وسلم کا ہی ہو بدعت نظر آتی 73