دینی نصاب — Page 328
اس زمانہ میں جماعتِ احمدیہ صحابہ کی اقتداء پر مالی قربانی کر رہی ہے۔مبارک ہو جماعت احمدیہ کو جن میں یہ مبارک نظام جاری ہے اور نظام خلافت کے تحت جماعت احمدیہ میں ایک بیت المال کا نظام جاری ہے جس میں اشاعت اور فلاح و بہبود کے لئے رقوم اکٹھی ہوتی ہیں جن کی تفصیل درج ذیل ہے :- چندہ عام :- البی جماعتوں کی طرح جماعت احمد یہ میں بھی مالی قربانی کا نظام جاری ہے۔بانی جماعت احمد یہ حضرت مرزا غلام احمد علیہ السلام نے اپنے دور میں ہی مالی قربانی کی تحریک کی جس کو چندہ عام کا نام دیا گیا۔اس کی شرح اس وقت چندہ دینے والے کی صوابدید پر تھی مگر بعد میں سیدنا حضرت المصلح الموعود نے اسکی شرح 1/16 مقتر رفرمائی۔جو ہر کمانے والے پر واجب ہے۔چندہ وصیت : ۱۹۰۵ء میں جب حضرت مسیح موعود کو اللہ تعالیٰ نے وفات کے قریب آنے کی خبر دی تو آپ نے ایک رسالہ ”الوصیت تحریر فرمایا۔جس میں آپ نے بہشتی مقبرہ ( قبرستان ) کے لئے اپنا قطع زمین وقف فرمایا۔اور مزید ضروریات کے لئے کچھ رقم کا مطالبہ بھی کیا۔اس کا ذکر کرتے ہوئے آپ اسی رسالہ میں فرماتے ہیں:۔اس لئے میں نے اپنی ملکیت کی زمین جو ہمارے باغ کے قریب ہے جسکی قیمت ہزار روپیہ سے کم نہیں اس کام کے لئے تجویز کی اور میں دُعا کرتا ہوں کہ خُدا اس میں برکت دے اور اس کو بہشتی مقبرہ بنادے اور یہ اس جماعت کے پاک دل لوگوں کی خواب گاہ ہو جنہوں نے درحقیقت دین کو دنیا پر مقدم کر لیا اور دنیا کی محبت چھوڑ دی اور خدا کے لئے ہو گئے اور پاک تبدیلی اپنے اندر پیدا کر لی۔اور رسول اللہ صلی اللہ علیہ وسلم کے اصحاب کی طرح وفاداری اور صدق کا نمونہ دکھلایا آمین یارب العالمین۔328