دینی نصاب — Page 246
ممالک میں ۲۰ / مارچ ۱۸۹۳ء کو چاند گرہن ہوا۔اور ۲ را پر میل ۱۸۹۳ء کوسورج گرہن لگا اور یہ دونوں گرہن اس سال رمضان کے مہینہ میں واقع ہوئے۔مغربی ممالک میں بھی اگلے سال ٹھیک انہی شرائط کے ساتھ رمضان میں گرہن لگا اور یہ سماوی نشان اسلام کی صداقت ، آنحضرت صلی اللہ علیہ وسلم کی صداقت اور حضرت مسیح موعود علیہ السلام کی صداقت کی زبردست دلیل ٹھہرے گویا خود خالق ارض و سماء نے یہ گواہی دی کہ حضرت مرزا غلام احمد قادیانی ہی مسیح موعود اور مہدی ہیں جن کے بارے میں سابقہ انبیاء اور خود آنحضرت صلی اللہ علیہ وسلم نے واضح پیشگوئیاں فرما ئیں تھیں۔اولاد آپ کی پہلی شادی اپنے خاندان میں ہوئی جس سے دولڑ کے مرزا فضل احمد اور مرزا سلطان احمد پیدا ہوئے آپ کی دوسری شادی ۱۸۸۴ ء میں دہلی کے ایک مشہور سادات خاندان ( خاندان میر درد) میں ایسے وقت میں ہوئی جبکہ آپ کی عمر ۵۰ برس ہو چکی تھی۔آنحضرت صلی اللہ علیہ وسلم کی پیشگوئی يَتَزَوَّجُ وَيُؤلرله ( یعنی مسیح موعود شادی کرے گا اور اس کے اولاد ہوگی ) کے مطابق اس شادی سے ایک نئے خاندان کی بنیاد پڑی اور آپ کو وہ مبشر اولا دعطا ہوئی جس کیلئے برکت پانا اور ملکوں میں کثرت سے پھیلنا مقدر ہے۔آپ کی دوسری بیوی کا نام حضرت نصرت جہاں بیگم تھا جو بعد میں اماں جان کہلا ئیں۔آپ کے بطن سے پانچ لڑکے اور پانچ لڑکیاں پیدا ہوئیں جن کے نام یہ ہیں:۔۱۔صاحبزادی عصمت ( ولادت مئی ۱۸۸۶ ء وفات جولائی ۱۸۹۱ء ۲۔بشیر اؤل ( ولادت ۷ را گست ۱۸۸۷ء وفات ۴ رنومبر ۱۸۸۸ء) -۳- حضرت مصلح موعود صاحبزادہ مرزا بشیر الدین محمود احمد خلیفۃ السیح الثانی ولادت ۱۲ جنوری ۱۸۸۹ ء، وفات ۷٫۸ نومبر کی شب ۱۹۶۵ء) 246