دینی نصاب — Page 234
حضرت عمر نے سن ہجری کا آغاز کیا اور اسلامی تقویم ( کلینڈر) کی ابتداء آنحضرت صلی ا ستم کے ہجرت کے سال سے کی۔حضرت عمررؓ بڑی سادہ زندگی بسر کرتے تھے۔باوجود وسیع سلطنت کے حکمران ہونے کے آپ کے کپڑوں میں کئی پیوند لگے ہوتے تھے۔دنیاوی عیش و عشرت سے کوئی سروکار نہ تھا۔خلیفہ بننے کے بعد تجارت کا پیشہ ترک کر دیا۔اور بیت المال سے دو در ہم روزانہ وظیفہ لیتے۔انتظامی معاملات میں کسی کا لحاظ نہ کرتے۔عدل و انصاف اور رعایا کی بہبودی کا فکر آپ کی سیرت کی نمایاں خصوصیت ہے۔رات کو گشت کر کے لوگوں کی ضروریات کا علم حاصل کرتے اور غریبوں ، بیکسوں اور یتیموں کو فوری امداد پہنچاتے۔ایک دفعہ دیکھا کہ ایک عورت دردزہ میں مبتلا ہے اور کوئی پاس نہیں فوراً گھر آئے اور اپنی بیوی کو ساتھ لیکر گئے تا کہ اس کی دیکھ بھال ہو سکے۔شہادت ایک دن ایک عیسائی غلام ابولولو نے حضرت عمرؓ سے شکایت کی کہ میرا آقا مجھ سے روزانہ دو درہم وصول کرتا ہے۔وہ نقاشی نجاری اور آہنگری میں بڑا ماہر تھا۔حضرت عمر نے اس کے پیشے اور آمدنی کے مدنظر اس رقم کو معقول قرار دیا۔اس فیصلہ سے ناراض ہو کر اگلے دن اس نے نماز فجر کے وقت خنجر سے آپ پر حملہ کر دیا۔حضرت عمر ان زخموں سے جانبر نہ ہو سکے اور ۲۶؎ ذی الحجہ سن ۲۳ھ کو بروز بدھ تریسٹھ سال کی عمر میں وفات پائی۔وفات کے بعد آپ کو حضرت عائشہ کے حجرہ میں حضرت نبی کریم صلی اللہ علیہ وسلم کے پہلو میں دفن کیا گیا۔234