دینی نصاب — Page 224
میں جسے شعب ابی طالب کہتے ہیں محصور رہنا پڑا جہاں مکمل طور پر آپ کا بائیکاٹ رہا۔آپ کے چا ابو طالب جب تک زندہ رہے وہ آپ کی ہر طرح امدا دو حمایت کرتے رہے۔لیکن نبوت کے دسویں سال ابو طالب کی وفات پر یہ بند بھی ٹوٹ گیا اور قریش کی شرارتوں میں اور اضافہ ہو گیا۔مدینہ کی طرف ہجرت : جب مکہ میں ایذا رسانیاں انتہاء کو پہنچ گئیں اور قریش نے آنحضرت صلی اللہ علیہ وسلم کومل کر قتل کرنے کا فیصلہ کیا تو نبوت کے تیرھویں سال حضور خدائے تعالیٰ کے حکم سے حضرت ابوبکر کی معیت میں رات کے وقت مکہ سے نکلے اور مدینہ کی طرف روانہ ہو گئے۔مکہ سے چار پانچ میل دور غار ثور میں حضور نے تین دن قیام فرمایا اور پھر مدینہ چلے گئے۔جولوگ مدینہ میں رہتے تھے اور مسلمان ہو گئے تھے وہ انصار کہلائے۔جو مسلمان ایذارسانیوں کے بچنے کیلئے مدینہ میں آ جمع ہوئے وہ مہاجر کہلائے۔انصار نے مہاجرین کو اپنے گھروں میں پناہ دی اور آنحضرت نے دونوں میں بھائی چارہ قائم کر دیا۔آنحضرت صلی اللہ علیہ وسلم ہجرت کے بعد دس سال زندہ رہے۔جب قریش مکہ نے دیکھا کہ مسلمانوں کو مدینہ میں امن حاصل ہو گیا ہے تو انہوں نے متعدد بار مسلمانوں پر چڑھائی کی اور فوجی طاقت سے اسلام کو مٹانا چاہا۔مسلمان بھی خود حفاظتی کیلئے مقابلہ میں کھڑے ہو گئے۔چنانچہ مسلمانوں اور کفار کے درمیان کئی خونریز معر کے ہوئے جن میں جنگ بدر ، جنگِ اُحد اور جنگ احزاب بہت مشہور ہیں۔جنگ بدر میں مسلمانوں کی تعداد صرف ۳۱۳ تھی اور کفار کی تعداد ایک ہزار تھی۔جنگ اُحد میں جو جنگ بدر کے تین سال بعد ہوئی مسلمانوں کی تعداد ۷۰۰ اور دشمن کی تعداد تین ہزار تھی اللہ تعالیٰ نے مسلمانوں کو کامیابی عطا کی۔2ھ میں یہودیوں نے جن کو ان کی شرارتوں اور بدعہدیوں کی وجہ سے مدینہ سے باہر نکال دیا گیا تھا قریش مکہ کو پھر جنگ کیلئے اکسایا اور دوسرے قبائل کو بھی جنگ پر آمادہ کیا۔اس کوشش کے نتیجہ میں دس ہزار کا 224