دینی نصاب — Page 208
الحق سَنُرِيهِمْ أَيْتِنَا فِي الْآفَاقِ وَفِي أَنْفُسِهِمْ حَتَّى يَتَبَيَّنَ لَهُمْ أَنَّهُ ( سورة حم سجده رکوع۶، آیت:۵۴) عنقریب ہم ان لوگوں کو اطراف عالم میں بھی نشان دکھائیں گے اور خود ان کی جانوں میں بھی۔یہاں تک کہ ان کے لئے ظاہر ہو جائے گا کہ یہ ( قرآنی وحی ) حق ہے۔حضرت مسیح موعود علیہ السلام کو ہزار ہا امور غیبی سے مطلع کیا گیا جن کا تعلق قوموں اور ملکوں، دوستوں اور دشمنوں ، اپنے خاندان والوں اور خود اپنی ذات سے تھا۔اور وہ اپنے اپنے وقت پر بعینہ اسی طرح ظاہر ہو کر خدائے تعالیٰ کی ہستی ، اسلام کی صداقت اور آپ کے منجانب اللہ ہونے پر گواہ ٹھہرے۔ان میں سے چند کا اس جگہ ذکر کیا جاتا ہے:۔ازار کی حالت زار پہلی جنگ عظیم سے قبل زار روس کی حکومت دُنیا کی طاقتور ترین حکومت سمجھی جاتی تھی۔حضرت مسیح موعود علیہ السلام نے خدا سے خبر پاکر ۱۵ ۱۷ پریل ۱۹۰۵ ء میں پیشگوئی فرمائی کہ وقت آ رہا ہے جب زار روس کی حالت قابل رحم ہو جائے گی۔چنانچہ اپنے منظوم کلام میں فرماتے ہیں:۔اک نشاں ہے آنے والا آج سے کچھ دن کے بعد جس سے گردش کھا ئیں گے دیہات و شہر اور مرغزار آئے گا قہر خُدا سے خلق پر اک انقلاب اک برہنہ سے نہ ہوگا یہ کہ تا باندھے ازار اک جھپک میں یہ زمیں ہو جائے گی زیر و زبر نالیاں خوں کی چلیں گی جیسے آپ رودبار خون سے مُردوں کے کوہستاں کے آپ رواں سُرخ ہو جائیں گے جیسے ہو شراب انجبار 208