دینی نصاب — Page 34
۱۷۔رمضان کے ایام میں عشاء کی نماز کے بعد نماز تراویح پڑھی جاتی ہے۔اس سلسلہ میں ایک شخص نے حضرت مسیح موعود علیہ السلام سے سوال کیا کہ رمضان میں تراویح آٹھ رکعت باجماعت مسجد میں پڑھنی چاہئیے یا اگر پچھلی رات کو اُٹھ کر ا کیلے گھر میں پڑھنی چاہیئے حضور نے فرمایا: نماز تراویح کوئی خدا نماز نہیں۔دراصل نماز تہجد کی آٹھ رکعت کو اول وقت میں پڑھنے کا نام تراویح ہے۔اور یہ ہر دو صورتیں جائز ہیں جو سوال میں بیان کی گئی ہیں۔آنحضرت صلی اللہ علیہ وسلم نے ہر دو طرح پڑھی ہے لیکن اکثر عمل آنحضرت صلی اللہ علیہ وسلم کا اس پر تھا کہ آپ پچھلی رات کو گھر میں اکیلے یہ نماز پڑھتے تھے۔“ ( ملفوظات جلد دہم صفحہ ۱۸) ۱۸۔روزہ کی حالت میں مسواک کرنا۔تر کپڑا او پر لینا۔بدن کو تیل لگانا۔خوشبو سونگھنا یالگانا۔تھوک نگلنا جائز ہے۔مسائل زکوة ا۔زکوۃ اسلام کے ارکان میں سے چوتھا رکن ہے۔اس کی اہمیت اس سے ظاہر ہے کہ قرآن کریم میں اکثر جگہ نماز کے ساتھ ہی زکوۃ کی ادائیگی کا بھی ذکر کیا ہے۔اس سے یہ واضح ہوتا ہے کہ نماز اور زکوۃ کے تارک ایک ہی حکم میں ہیں۔۲۔زکوۃ کی ادائیگی سے مال میں کمی نہیں آتی۔بلکہ وہ بڑھتا ہے جو شخص یہ خیال کرتا ہے کہ اس سے مال کم ہوتا ہے وہ نفس کے دھوکے میں مبتلا ہے۔خدائے تعالیٰ تو قرآن کریم میں فرماتا ہے :۔وما اليكم من زكوة تُرِيدُونَ وَجْةَ اللهِ فَأُوليك هُمُ الْمُضْعِفُونَ۔(سورۃ الروم آیت : ۴۰) جو ز کوۃ تم محض اللہ تعالیٰ کی رضا مندی کیلئے دو گے۔تو ایسے طور پر دینے والے (اپنے 34