دینی نصاب — Page 235
ابتدائی زندگی حضرت عثمان غنی بلند عہد خلافت ۶۴۴ تا ۶۶۵۶ حضرت عثمان غنی قریش کے مشہور خاندان بنو امیہ سے تعلق رکھتے تھے۔پانچویں پشت میں آپ کا شجرہ نسب آنحضرت صلی اللہ علیہ وسلم سے جاملتا ہے۔آپ عمر میں آنحضرت صلی اللہ علیہ وسلم سے چھ سال چھوٹے تھے۔آپ کا ذریعہ معاش بھی تجارت تھا۔دولت کی فراوانی کی وجہ سے غنی مشہور ہوئے۔شرم و حیا، جود وسخاوت عقل و فہم اور شرافت کی وجہ سے آپ نے بڑی شہرت پائی۔طبیعت میں بُردباری اور انکسار کوٹ کوٹ کر بھرا تھا اور ہر ایک سے حسن سلوک کرتے تھے۔جب آپ مشرف بہ اسلام ہو گئے تو آنحضرت صلی اللہ علیہ وسلم نے اپنی صاحبزادی حضرت رقیہ کا نکاح آپ سے کر دیا۔قریش مکہ نے جب مسلمانوں پر عرصہ حیات تنگ کر دیا تو آپ نے حبشہ کی طرف ہجرت کی۔کچھ عرصہ بعد پھر مکہ میں آگئے اور بعد ازاں مدینہ کی طرف ہجرت کی۔جنگ بدر کے دوران حضرت رقیہ رحلت فرما گئیں تو آنحضرت نے اپنی دوسری صاحبزادی حضرت اُم کلثوم کو ان کے عقد نکاح میں دے دیا۔اسی وجہ سے آپ کو ذوالنورین کا لقب ملا۔ایثار و قربانی حضرت عثمان ” بڑے فیاض و سخی تھے۔مالی جہاد میں پیش پیش رہتے۔آپ کی دولت سے مسلمانوں کو بڑا فائدہ پہنچا۔مدینہ میں میٹھے پانی کا ایک کنواں تھا جو ایک یہودی کی ملکیت تھا 235