بنیادی مسائل کے جوابات

بنیادی مسائل کے جوابات — Page 496

مرتي سوال: ملاقات مؤرخہ 31 اکتوبر 2020ء میں ایک طالب علم نے حضور انور کی خدمت اقدس میں عرض کیا کہ ہم انشاء اللہ میدان عمل میں جار ہے ہیں۔وہاں پہنچ کر ایک مرتبی کا سب سے پہلا کام کیا ہونا چاہیئے ؟ حضور انور ایدہ اللہ تعالیٰ بنصرہ العزیز نے اس سوال کا جواب عطا فرماتے ہوئے فرمایا: جواب: وہاں پہنچ کے پہلے تو دعا کریں کہ اللہ تعالیٰ مجھے اس جگہ جہاں میری پوسٹنگ ہوئی ہے، مجھے صحیح طور پر ایمانداری سے ، اخلاص سے ، وفا سے کام کرنے کی توفیق دے۔ٹھیک ہے، دعا کریں۔اور سب سے پہلے اللہ تعالیٰ سے اپنا تعلق بڑھائیں۔ہمیشہ یاد رکھیں کہ ہمارے کام دعاؤں سے ہوتے ہیں۔اس لئے ہر مرتی اور مبلغ جب میدان عمل میں جاتا ہے تو اس کو چاہیے کہ یہ عہد کرے کہ آج کے بعد سے میں نے تہجد کی نماز کبھی نہیں چھوڑنی، با قاعدہ پڑھوں گا۔آپ کے بہت سارے مبلغین فوت ہوتے ہیں، ان کی تاریخ میں بیان کرتا ہوں ، تو میں کہتا ہوں کہ وہ تہجد با قاعدہ پڑھنے والے تھے۔ہر مرتی کو کم از کم ایک گھنٹہ روزانہ تہجد پڑھنی چاہیئے۔اس میں دعا کریں کہ اللہ تعالیٰ آپ کے کام میں برکت ڈالے۔پھر پانچ نمازیں جو ہیں، جو آپ کا سینٹر ہے یا مسجد ہے اس میں اگر آپ وہاں موجود ہیں تو مسجد میں جائیں اور پانچ نمازیں با قاعدگی سے باجماعت ادا کروائیں۔پھر ہر احمدی جو ہے اس سے اپنا ذاتی تعلق پیدا کریں۔اگر احمدیوں میں آپس میں رنجشیں ہیں، ناراضگی ہے، کسی کی ناراضگی جو دوسرے کے ساتھ ہے ، اس کو آپ نے دور کرنا ہے۔لوگوں کو سمجھائیں کہ ہم مومن ہیں اور مومن بھائی بھائی ہوتے ہیں۔وہاں صلح اور صفائی سے ہر ایک احمدی کو رہنے کی طرف توجہ دلائیں۔اور کسی قسم کی ناراضگی اگر ہے تو اس کو دور کر دیں۔ہر ایک سے ذاتی تعلق ہو اور لوگ جو ہیں وہ آپ سے ذاتی تعلق رکھنے والے ہوں، آپ سے پیار کرنے والے ہوں اور آپ لوگوں سے پیار کرنے والے ہوں۔اس طرح جب آپ کوئی بات ان کو کہیں تو وہ آپ کی بات مانیں۔اسی طرح خلیفہ وقت سے با قاعدہ تعلق رکھیں۔اپنی ماہانہ رپورٹ جو بھیجتے ہیں ، اس کے علاوہ ایک مہینہ میں ایک ذاتی خط مجھے لکھا 496