بنیادی مسائل کے جوابات

بنیادی مسائل کے جوابات — Page 116

سوال: ایک خاتون نے لکھا کہ اگر کوئی غیر احمدی مسلمان مجھ سے کسی غیر از جماعت عالم کی لکھی ہوئی تفسیر کے بارہ میں پوچھے تو مجھے اسے کون سی تفسیر پڑھنے کے لئے بتانی چاہیے؟ حضور انور ایدہ اللہ تعالیٰ بنصرہ العزیز نے اپنے مکتوب مورخہ 22 جولائی 2019ء میں اس سوال کا درج ذیل جواب عطا فرمایا۔حضور نے فرمایا: جواب: پرانے بزرگوں کی تمام تفسیر میں اچھی ہیں۔آپ کی معلومات کے لئے چند تفسیروں کے نام لکھ رہا ہوں۔مثلاً تیسری صدی ہجری میں لکھی جانے والی تفسیر طبری، جس کا پورا نام ”جامع البیان فی تاویل القرآن“ ہے اور جسے ابو جعفر محمد بن جریر بن یزید بن کثیر الطبری نے تصنیف کیا۔چھٹی صدی ہجری میں امام ابو عبد اللہ محمد فخر الدین ابن خطیب الرازی کی تصنیف کردہ تفسیر ” مفاتیح الغيب المعروف التفسیر الکبیر“ بہت عمدہ تفسیر ہے۔ساتویں صدی ہجری میں لکھی جانے والی تفسیر بعنوان "الجامع لاحکام القرآن معروف به قرطبی مشہور عالم ابو عبد اللہ محمد بن احمد بن ابو بکر المعروف امام قرطبی نے تصنیف فرمائی۔علاوہ ازیں تفسیر جلالین، تفسیر ابن کثیر اور تفسیر روح المعانی وغیرہ اچھی اور پڑھنے کے قابل تفاسیر ہیں۔(قسط نمبر 12، الفضل انٹر نیشنل 2 اپریل 2021ء صفحہ 11) 116