انوارالعلوم (جلد 5) — Page 161
انوار العلوم جلد ۵ 191 فرائض مستورات دینا چاہئے یہ تو خدا تعالیٰ کے حکم ہیں۔اخلاق حسنہ سکھو ان کے علاوہ وہ حکم ہیں جو بندوں کو بندوں کے متعلق ہیں مثلا یہ کہ ایک دوسرے کے ساتھ خوش خلقی سے پیش آؤ کسی کی غیبت نہ کرو۔چغلی نہ کرو۔کسی کے۔۔مال میں خیانت نہ کرو، کسی سے بغض اور کینہ نہ رکھو۔عورتوں میں چغلی اور غیبت کی مرض بہت پائی جاتی ہے۔اگر کسی کے متعلق کوئی بات سُن لیں تو جب تک دوسری کے سامنے بیان نہ کر لیں انہیں چین نہیں آتا۔جو بات سنتی ہیں جھٹ دوسری جگہ بیان کر دیتی ہیں۔حالانکہ چاہئے یہ کہ اگر کوئی کسی بھائی نہیں کا نقص اور عیب بیان کرے تو اسے منع کر دیا جائے لیکن ایسا نہیں کیا جاتا۔تو چغلی کرنا بہت بڑا عیب ہے اور اتنا بڑا عیب ہے کہ قرآن کریم سے معلوم ہوتا ہے کہ بعض لوگ اسی کی وجہ سے جہنم میں ڈالے جائیں گے۔ایک دفعہ رسول کریم صلی اللہ علیہ وسلم کہیں جارہے تھے کہ راستہ میں دو قبریں آئیں۔آپ وہاں ٹھہر گئے اور فرمایا خدا تعالیٰ نے مجھے بتایا ہے کہ ان قبروں کے مُردے ایسے چھوٹے چھوٹے گناہوں کی وجہ سے جہنم میں پڑے ہوئے ہیں کہ جن سے بآسانی بچ سکتے تھے لیکن بچے نہیں۔ان میں سے ایک تو پیشاب کے چھینٹوں سے اپنے آپ کو نہیں بچاتا تھا اور دوسرا چغلی کرتا تھا۔تو چغلی بہت بڑا عیب ہے اس میں ہرگز مبتلا نہیں ہونا چاہئے۔اگر تمہارے سامنے کوئی کسی کے متعلق بڑا کلمہ کہے تو اسے روک دو اور کہہ دو ہیں نہ سناؤ بلکہ جس کا غیب ہے اسے جا کر سناؤ۔پھر اگر کوئی بات سن لو تو جس کے متعلق ہو اس کو جا کر نہ سناؤ تاکہ فساد نہ ہو۔اسی طرح کسی کی غیبت بھی نہیں کرنی چاہئے۔کیا اپنے نقص کم ہوتے ہیں کہ دوسروں کے نقص بیان کرنے شروع کر دیئے جاتے ہیں ؟ تمہیں چاہتے کہ دوسروں کے عیب نکالنے کی بجائے اپنے عیب نکالو تاکہ تمہیں کچھ فائدہ بھی ہو۔دوسروں کے عیب نکالنے سے سوائے گناہ کے کوئی فائدہ نہیں ہوتا۔اپنی اصلاح کی فکر کرو پس اگر عیب ہی نکالنے میں تو اپنے عیب نکالو ا ہ ان کے دور کرنے کی کوشش کر سکو۔تم اپنے متعلق دیکھو کہ تم میں چڑ چڑا پن تو نہیں پایا جاتا تم خواہ مخواہ دوسری عورتوں سے لڑائی فساد تو نہیں کرتیں۔تمہارے اخلاق میں تو کوئی کمزوری نہیں۔اور جب تمہیں اپنی کوئی کمزوری معلوم ہو جائے تو اس کو دور کرنے کی کوشش کرو۔تم اپنی مجلسوں میں ہی دیکھ لو ذرا ذراسی بات پر عورت میں ایک دوسری سے اس طرح لڑتی ہیں کہ گویا انسان نہیں جوان ایک جگہ جمع کئے ہوئے ہیں۔میں اپنے اخلاق اور عادات درست کرو جس مجلس میں جاؤ ادب اور تہذیب عله ترمذی ابواب الطهارة باب التشديد في البول