انوارالعلوم (جلد 4) — Page 407
انوار العلوم جلد ۴ ۴۰۷ خطاب جلسہ سالانہ ۱۷ مارچ ۱۹۱۹ء ان لوگوں کی سخت کلامی کو اور اپنی مجبوری کو دیکھ کر خون کے آنسو روتے رہے ہیں۔ اور جوش میں ایسا ہی ہوا کرتا ہے۔ ایک دفعہ ایک شخص حضرت مسیح موعود کے متعلق بعض لوگوں کی بد کلامی سن کر ان سے لڑ پڑا۔ جب حضرت مسیح موعود علیہ الصلوۃ والسلام کو معلوم ہوا۔ تو آپ نے اسے نصیحت کی کہ ایسے موقع پر صبر سے کام لینا چاہئے ۔ وہ شخص سخت جوش سے بھرا ہوا تھا بے اختیار کہہ اٹھا کہ ہم سے ایسا نہیں ہو سکتا۔ آپ کے پیر ( محمد ) کو جب کوئی گالی دے تو آپ اس کے ساتھ مباہلہ کرنے کے لئے تیار ہو جاتے ہیں۔ لیکن ہمیں یہ ارشاد فرماتے ہیں کہ اپنے پیر ( حضرت مسیح موعود ) کے متعلق گالیاں سن کر صبر کریں۔ اس کی یہ بات سن کر اور اس کے غضب کو دیکھ کر حضرت مسیح موعود اس وقت مسکرا کر خاموش ہو رہے ۔ تو جوش ایک طبعی تقاضا ہے۔ جو ایک حد تک جائز ہوتا ہے ۔ لیکن میں نے اخباروں کو روکے رکھا۔ اس وجہ سے غیر مبائعین کی درشت کلامی بڑھتی گئی۔ اور اب انہیں ڈر پیدا ہوا ہے کہ اگر ادھر سے بھی جواب دیا گیا تو مشکل پڑ جائے گی۔ اس وجہ سے انہیں سختی کو ترک کرنے کا خیال پیدا ہوا ہے۔ مگر یہ ایسا ہی خیال ہے جیسا کہ کسی کو تھپڑ مار کر کہا جائے کہ اب صلح کر لو۔ اس طرح صلح نہیں ہو سکتی۔ صلح اسی وقت ہو سکتی ہے جب کہ یا تو جو لینا ہو لے لیا جائے اور جو دینا ہو دید یا جائے۔ کیونکہ یہ مخالف کی مخالف سے صلح ہے۔ بھائی بھائی کی صلح نہیں اور یا پھر وہ زہر جو پھیلایا گیا ہو اس کا ازالہ کر دیا جاوے۔ لیکن خیر ہم اس شرط کو مان لیتے ہیں کہ ایک دوسرے کے متعلق سخت الفاظ استعمال نہ کئے جائیں۔ مگر اس کے ساتھ دوسری بات وہ یہ پیش کرتے ہیں کہ ایک دوسرے کے پیچھے نماز پڑھ لی جایا کرے۔ لیکن اس شرط کے مان لینے کے یہ معنی ہیں کہ گویا ہم اپنے ہاتھ آپ کاٹ دیں۔ ہمارا اختلاف کسی جدی وراثت کے متعلق نہیں ہے کہ فلاں نے زیادہ مال لے لیا اور فلاں نے کم بلکہ ہمارا اختلاف دین کے متعلق ہے۔ خدا تعالیٰ فرماتا ہے کہ وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصُّلِحَتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُمْ مِّنْ بَعْدِ خَوْفِهِمْ آمَنَّا يَعْبُدُ و نَنِي لَا يُشْرِكُونَ بِي شَيْئًا وَمَنْ كَفَرَ بَعْدَ ذَلِكَ فَأُولَئِكَ هُمُ الْفُسِقُونَ (النور : ۵۷) : : ۵۶) هم تو قرآن کریم کے اس ارشاد کے ماتحت اختلاف کرتے ہیں کہ جو ایسے خلیفہ کو نہیں مانتا وہ فاسق ہے۔ اب ایک طرف تو ہم کہیں کہ جو خلیفہ کو نہیں مانتا وہ فاسق ہے۔ اور دوسری طرف اعلان کریں