انوارالعلوم (جلد 3) — Page 379
العلوم جلد۔٣٧٩ سیرت مسیح موعود ترجمہ: کہ تو میری آنکھ کی پتلی تھا۔تیری موت سے میری آنکھ اندھی ہو گئی۔اب تیرے بعد کوئی شخص پڑا مرا کرے ہمیں اس کی پرواہ نہیں۔کیونکہ ہم تو تیری ہی موت سے ڈر رہے تھے۔آج سے تیرہ سو سال کے بعد اس نبی کے ایک غلام کی وفات پر پھر وہی نظارہ چشم فلک نے دیکھا کہ جنہوں نے اسے پہچان لیا تھا۔ان کا یہ حال تھا کہ یہ دنیا ان کی نظروں میں حقیر ہو گئی اور ان کی تمام تر خوشی اگلے جہان میں ہی چلی گئی۔بلکہ اب تک کہ آٹھ سال گزر چکے ہیں۔ان کا یہی حال ہے۔اور خواہ صدی بھی گذر جائے۔مگر وہ دن ان کو کبھی نہیں بھول سکتے۔جب کہ خدا تعالی کا پیارا رسول ان کے درمیان چلتا پھرتا تھا۔درد انسان کو بیتاب کر دیتا ہے اور میں بھی حضرت مسیح موعود علیہ الصلوۃ والسلام کی وفات کا ذکر کر کے کہیں سے کہیں چلا گیا۔میں نے ابھی بیان کیا ہے کہ ساڑھے دس بجے آپ فوت ہوئے اسی وقت آپ کے جسم مبارک کو قادیان میں پہنچانے کا انتظام کیا گیا اور شام کی گاڑی میں ایک نہایت بھاری دل کے ساتھ آپ کی جماعت لاش لیکر روانہ ہوئی۔اور آپ کا الہام پورا ہوا۔جو قبل از وقت مختلف اخبارات میں شائع ہو چکا تھا۔کہ ان کی لاش کفن میں لپیٹ کر لائے ہیں " بٹالہ پہنچ کر آپ کا جنازہ فوراً قادیان پہنچایا گیا اور قبل اس کے کہ آپ کو دفن کیا ہے جاتا۔قادیان کی موجودہ جماعت نے (جن میں کئی سو قائم مقام باہر کی جماعتوں کا بھی شامل تھا) بالاتفاق آپ کا جانشین اور خلیفہ حضرت مولوی حاجی نور الدین صاحب بھیروی کو تسلیم کر کے ان کے ہاتھ پر بیعت کرلی اور اس طرح الوصیت کی وہ شائع شدہ پیش گوئی پوری ہوئی کہ جیسے آنحضرت کے بعد حضرت ابو بکر کھڑے کئے گئے تھے میری جماعت کے لئے بھی خدا تعالی اس رنگ میں انتظام فرمائے گا۔اس کے بعد خلیفہ وقت نے آپ کا جنازہ پڑھا اور دوپہر کے بعد آپ دفن کئے گئے۔اور اس طرح آپ کا وہ الہام کہ ستائیس کو ایک واقعہ ہمارے متعلق جو دسمبر ۱۹۰۷ء میں ہوا اور مختلف اخبارات میں شائع ہو چکا تھا پورا ہوا۔کیونکہ ۲۶ - مئی کو آپ فوت ہوئے اور ۲۷ تاریخ کو آپ دفن کئے گئے اور اس الہام کے ساتھ ایک اور الہام بھی تھا جس سے اس الہام کے معنی واضح کر دیئے گئے تھے۔اور وہ الہام یہ تھا " وقت رسید " یعنی تیری وفات کا وقت آگیا ہے۔آپ کی وفات پر انگریزی اور دیسی ہندوستان کے سب اخبارات نے باوجود مخالفت کے "