انوارالعلوم (جلد 25) — Page 107
انوار العلوم جلد 25 107 احباب جماعت کے نام پیغامات تمہیں نہیں چھوڑے گا۔خدا تمہیں بے کسی اور بے بسی کی موت نہیں دے گا۔ڈاکٹروں کی رائے تو یہی ہے کہ میری بیماری صرف عوارض کی بیماری ہے حقیقت کی بیماری نہیں لیکن جو کچھ بھی ہو ہمارا خدا اسچا خدا ہے، زندہ خدا ہے، وفادار خدا ہے۔تم ہمیشہ اُس پر توکل رکھو اور اپنی اولاد کو بھی اس پر تو گل رکھنے کی تلقین کرو۔اور اس دعا کے طریقہ کو یاد رکھو جو میں نے اوپر بیان کیا ہے۔میں نے ساری عمر جب بھی اِس رنگ میں اخلاص کے ساتھ دعا کی ہے میں نے کبھی نہیں دیکھا کہ اس دعا کے قبول ہونے میں دیر ہوئی ہو۔اگر تم اس رنگ میں اپنے رب سے محبت کرو گے اور اُس کی طرف جھکو گے تو وہ ہمیشہ تمہاری مدد کے لئے آسمان سے اتر تا رہے گا۔ایک دولت میں تمہیں دیتا ہوں ایسی دولت جو کبھی ختم نہیں ہو گی۔ایک علاج میں تمہیں عطا کرتا ہوں وہ علاج جو کسی بیماری میں خطا نہیں کرے گا۔ایک عصا میں تمہارے حوالے کرتا ہوں ایسا عصا جو تمہاری عمر کی انتہائی کمزوری میں بھی تمہیں سہارا دے گا۔اور تمہاری کمر کو سیدھا کرے گا۔اے خدا ! تو اپنے ان بندوں کے ساتھ ہو۔جب انہوں نے میری آواز پر لبیک کہی تو انہوں نے میری آواز پر لبیک نہیں کہی بلکہ تیری آواز پر لبیک کہی۔اے وفادار اور صادق الوعد خدا! اے وفادار اور سچے وعدوں والے خدا ! تو ہمیشہ ان کے اور ان کی ا اولادوں کے ساتھ رہیو اور ان کو کبھی نہ چھوڑیو۔دشمن ان پر کبھی غالب نہ آئے اور یہ کبھی ایسی مایوسی کا دن نہ دیکھیں جس میں انسان یہ سمجھتا ہے کہ میں سب سہاروں سے محروم ہو گیا ہوں۔یہ ہمیشہ محسوس کریں کہ تُو ان کے دل میں بیٹھا ہے، ان کے دماغ میں بیٹھا ہے اور ان کے پہلو میں کھڑا ہے اللهُمَّ امین۔بعض ڈاکٹر جو زیادہ ماہر نہیں ہیں وہ تو میرے جانے پر گھبراتے ہیں مگر ماہر ڈاکٹر یہی کہتے ہیں کہ جلدی جاؤ اور جلدی آؤ۔بہر حال ہر شخص کے رتبہ کے مطابق اس کی بات پر یقین کیا جاتا ہے۔میں ان ماہرین کی رائے پر اعتبار کرتے ہوئے اور اللہ تعالیٰ پر توکل کرتے ہوئے جاتا ہوں۔خدا کرے میرا یہ سفر صرف میرے لئے نہ ہو۔بلکہ اسلام کے لئے ہو اور خدا کے دین کے لئے ہو اور خدا کرے کہ میری عدم موجودگی میں تم غم