انوارالعلوم (جلد 24) — Page 225
انوار العلوم جلد 24 225 سیر روحانی (7) بِسْمِ اللَّهِ الرَّحْمَنِ الرَّحِيمِ نَحْمَدُهُ وَنَصَلَّىٰ عَلَى رَسُوْلِهِ الْكَرِيمِ سیر روحانی (7) ( تقریر فرمودہ مورخہ 28 دسمبر 1953ء بر موقع جلسہ سالانہ ربوہ) عالم روحانی کا نوبت خانہ تشہد، تعوذ اور سورۃ فاتحہ کی تلاوت کے بعد حضور نے فرمایا:- اللہ تعالیٰ نے سورۃ فاتحہ ایسے الفاظ میں اُتاری ہے کہ عسر ہو یا ئیسر ہو مؤمن کے لئے یہ سورۃ ہمیشہ ہی ایک مستقل صداقت ، ایک نہ مٹنے والی حقیقت اور ایک محبت کا گہرا راز بنی رہتی ہے۔انسانوں پر توکل کرنے والے اور ظاہری طاقت وشان کو دیکھنے والے لوگ کبھی کبھی باوجود بڑی بڑی تیاریوں کے باوجود بڑے بڑے ارادوں کے ، باوجود بڑی بڑی امدادوں کے باوجود بڑے بڑے سامانوں کے ناکامی اور نامرادی کا منہ دیکھ لیتے ہیں۔ہٹلر اپنی تمام شان کے باوجود مشرقی جرمنی کی جنگ میں بار جاتا ہے۔نپولین اپنے عظیم الشان تجربہ اور عزم کے باوجو د واٹرلو میں شکست کھا جاتا ہے۔لیکن خدا کے بندے اور خدا کے پرستار اور خدا کے موعود صبح بھی اور شام بھی اور رات بھی اور دن بھی سچے دل سے بغیر منافقت کے ، بغیر جھوٹ کے خدا کے حضور یہ کہتے ہیں اَلْحَمْدُ لِلَّهِ رَبِّ الْعَلَمِينَ - اَلْحَمْدُ لِلَّهِ رَبِّ الْعَلَمِيْنَ الْحَمْدُ لِلَّهِ رَبِّ العلمينَ۔اُن کی ناکامیاں عارضی ہوتی ہیں، اُن کی تکلیفیں محض چند لمحات کی اور اُن کی مشکلات بالکل بے حقیقت ہوتی ہیں جن کے ساتھ خدا کھڑا ہوتا ہے اُن کو کسی دوسری چیز کا ڈر ہی کیا ہو سکتا ہے۔