انوارالعلوم (جلد 24) — Page 356
انوار العلوم جلد 24 356 تحقیقاتی عدالت میں حضرت امام جماعت احمدیہ کا بیان سوال: وحی اور الہام میں کیا فرق ہے؟ جواب: کوئی فرق نہیں۔سوال : کیا مرزا غلام احمد صاحب پر حضرت جبریل وحی لاتے تھے ؟ جواب: میں پہلے عرض کر چکا ہوں کہ ہر وحی حضرت جبریل کی نگرانی میں نازل ہوتی ہے۔حضرت مرزا صاحب کے ایک الہام سے معلوم ہوتا ہے کہ حضرت جبریل ایک دفعہ اُن پر نظر آنے والی صورت میں ظاہر ہوئے تھے۔تخص سوال: کیا مرزا صاحب اصطلاحی (Dogmatic) معنوں میں نبی تھے ؟ جواب: میں نبی کی کوئی اصطلاحی (Dogmatic) تعریف نہیں جانتا۔میں اُس صفحے کو نبی سمجھتا ہوں جس کو اللہ تعالیٰ نے نبی کہا ہو۔سوال: کیا اللہ تعالیٰ نے مرزا صاحب کو نبی کہا ہے ؟ جواب: جی ہاں۔سوال: مرزا صاحب نے پہلی مرتبہ کب کہا کہ وہ نبی ہیں؟ مہربانی فرما کر اس کی تاریخ بتلائیے اور اس بارہ میں اُن کی کسی تحریر کا حوالہ دیجئے۔جواب: جہاں تک مجھے یاد ہے انہوں نے 1891ء میں نبی ہونے کا دعویٰ کیا۔سوال: کیا ایک نبی کے ظہور سے ایک نئی اُمت پیدا ہوتی ہے؟ جواب: جی نہیں۔سوال: کیا اُس کے آنے سے ایک نئی جماعت پید اہوتی ہے؟ جواب: جی ہاں۔سوال: کیا ایک نئے نبی پر ایمان لانا دوسرے لوگوں کے متعلق اس کے ماننے والوں کے رویہ پر اثر انداز نہیں ہوتا؟ جواب: اگر تو آنے والا نبی صاحب شریعت ہے تو اس سوال کا جواب اثبات میں ہے لیکن اگر وہ کوئی نئی شریعت نہیں لاتا تو دوسروں کے متعلق اس کے ماننے والوں کے رویہ کا انحصار اس سلوک پر ہو گا جو دوسرے لوگ اُن کے ساتھ کرتے ہیں۔