انوارالعلوم (جلد 20) — Page 604
انوار العلوم جلد ۲۰ ۶۰۴ ہندوستان کے احمدیوں کے نام پیغام ۱/۳۶ ہوتی ہے۔گویا جس وقت حضرت مسیح موعود علیہ الصلوۃ والسلام نے کام شروع کیا کی اُس سے آپ کی طاقت اس وقت دس گنے زیادہ ہے۔پھر جس وقت حضرت مسیح موعود علیہ الصلوۃ والسلام نے کام شروع کیا اس وقت قادیان سے باہر کوئی احمد یہ جماعت نہیں تھی لیکن اب ہندوستان میں بھی بیسیوں جگہ پر احمد یہ جماعتیں قائم ہیں۔ان جماعتوں کو بیدار کرنا، منظم کرنا ، ایک نئے عزم کے ساتھ کھڑا کرنا اور اس ارادہ کے ساتھ ان کی طاقتوں کو جمع کرنا کہ وہ اسلام اور احمدیت کی تبلیغ کو ہندوستان کے چاروں گوشوں میں پھیلا دیں یہ آپ لوگوں کا ہی کام ہے۔ہم کہتے ہیں کہ قادیان احمدیوں کا مرکز ہے۔آپ لوگ بھی کہتے ہیں کہ ہم اس لئے قادیان میں بیٹھے ہیں کہ یہ ہم احمدیوں کا مرکز ہے۔اب یہ آپ لوگوں کا فرض ہے کہ مرکز کو مرکز کی حیثیت سے دنیا کے سامنے پیش کریں۔مرکز چند مجاوروں کے جمع ہو کر بیٹھ جانے کا نام نہیں۔مرکز ایک بے انتہاء جذبہ کا نام ہے جو اپنے ماحول پر چھا جانے کا ارادہ کر کے کھڑا ہو۔مرکز کا نام قرآن کریم میں ماں رکھا ہے اور ماں وہی ہوتی ہے جو اپنا خون پلا کر بچوں کو پالتی ، بڑا کرتی اور جوان کرتی ہے۔پس قادیان مرکز اسی صورت میں ہوسکتا ہے کہ وہ اپنی چھاتیوں کا دودھ تمام طالبانِ صداقت کو پیش کرے ، ان کو پالے اور ان کی پرورش کرے اور ان کو پروان چڑھائے۔پس آپ لوگ اب اپنی نئی ذمہ داریوں کو سمجھتے ہوئے نئے سرے سے اپنے دفاتر کی تنظیم کریں اور ہندوستان کی باقی جماعتوں کو دوبارہ زندہ کرنے اور زندہ رکھنے کی کوشش کریں۔صرف یہی نہیں بلکہ ان کو بڑھانے اور پھیلانے کی کوشش کریں۔وہ تمام اغراض جن کے لئے احمد یہ جماعت قائم کی گئی تھی حضرت مسیح موعود علیہ الصلوۃ والسلام کی کتابوں میں لکھی ہوئی موجود ہیں۔ان اغراض کو سامنے رکھ کر صدر انجمن احمدیہ کی تنظیم کریں اور تمام ہندوستان کی کی جماعتوں کے ساتھ خط و کتابت کر کے ان کو منظم کریں اور پھلنے پھولنے میں مدد دیں۔اس کام کے متعلق میں چند تجاویز آپ لوگوں کے سامنے پیش کرتا ہوں: اوّل۔ہندوستان یونین کی تمام احمد یہ جماعتوں کی لٹیں جمع کریں۔( جولٹیں وہاں موجود نہ ہوں وہ لسٹیں پاکستان کے مرکز سے منگوالیں ) (۲) پریس کو دوبارہ جاری کرنے کی کوشش کریں۔جب تک قادیان کا پریس واگذار