انوارالعلوم (جلد 18) — Page 36
انوار العلوم جلد ۱۸ ۳۶ اسلام کا اقتصادی نظام یہ بھی چاہے گا کہ اُس کے سامنے ایک ایسا طریق عمل آ جائے جو اقتصادی قانون کے لحاظ سے بھی درست ہو، اخلاقی قانون کے لحاظ سے بھی درست ہو اور مذہبی قانون کے لحاظ سے بھی درست ہو۔اس تمہید کے بعد اب میں یہ بتاتا ہوں کہ اوپر کے دو اصولوں کے ماتحت اسلام نے ہر فرد کو تجارت اور صنعت و حرفت وغیرہ میں آزادی سے کام کرنے کی اجازت دی ہے مگر اس کی آزادی کو ایسی حد بندیوں میں رکھ دیا ہے جو اُس کی جائز بلند پروازی کو روکیں بھی نہیں اور اُس کی انفرادیت کو کچلیں بھی نہیں اور پھر نا جائز آزادی کے خطرات سے بھی اُسے محفوظ کر دیں۔سو یا درکھنا چاہئے کہ اقتصادی مقابلے جو دنیا میں ہوتے ہیں اُن میں مختلف قسم کی خرابیوں کے پیدا ہونے اور ظلم و بیداد کا دروازہ کھلنے کی وجہ چند خواہشات نفسانی ہوتی ہیں جو نفس انسانی میں پیدا ہوتی ہیں۔اُن میں سے بعض خواہشات ایسی ہیں جن کی وجہ سے وہ دنیا میں زیادہ سے زیادہ روپیہ سمیٹنا چاہتا ہے۔دنیا کی حالت خواہ کتنی ہی خراب ہو، غریب لوگ فاقہ سے مر رہے ہوں ، بیوائیں روٹی کیلئے تڑپ رہی ہوں، یتیم کسمپرسی کی حالت میں پڑے ہوں وہ یہی چاہتا ہے کہ میرے پاس زیادہ سے زیادہ دولت جمع ہو جائے۔اس ظلم اور تعدی کے کئی محرکات ہوتے ہیں جن کا قرآن کریم میں ذکر کیا گیا ہے اور بتایا گیا ہے کہ وہ کون سے محرکات ہیں جو اس رُوح کے پس پردہ کام کر رہے ہوتے ہیں۔اللہ تعالیٰ فرماتا ہے۔اِعْلَمُوا أَنَّمَا الحَياةُ الدُّنْيَا دولت کمانے کے محرکات لَعِبٌ وَلَهُوَ وَزِينَةً وَ تَفَاخُرُ بَينَكُمْ وَتَكَافُرُ في الأموال والأولاد ، كَمَثَلِ غَيْت أَعْجَبَ الْكُفَّارَ نَبَاتُهُ ثُمَّ يَهِيجُ فتريه مصفرا ثمَّ يَكُونُ حُطَامًا، وَفِي الآخِرَةِ عَذَابٌ شَدِيدٌ، وَمَغْفِرَةً ين الله وَرِضْوَانَ ، وَ مَا الحيوةُ الدُّنْيَا إِلا مَتَاعُ الْغُرُور ها یاد رکھو! دنیا کی زندگی میں جو لوگ روپیہ کمانے کی کوشش کرتے ہیں اُن کی اس کوشش اور جدوجہد کے کچھ محرکات ہوتے ہیں جن کی بناء پر وہ ایسی کوشش کرتے ہیں۔(۱) پہلی وجہ تو تعب ہے۔اُن کے دلوں میں کھیل کود کی خواہش ہوتی ہے اور یہ کھیل کود کی