انوارالعلوم (جلد 13) — Page 176
انوار العلوم جلد ۳ أسوة كامل اس سورۃ میں اللہ تعالیٰ کی چار صفات بیان کی گئی ہیں۔پہلی رَبُّ الْعَلَمِيْنَ صفت ربوبیت ہے۔جس طرف دیکھو اللہ تعالیٰ کی ربوبیت کام کر رہی ہے۔زمین آسمان، سورج چاند ستارے مشرقی، مغربی گورے کالے ایشیائی یورپین سب اس کی ربوبیت کے نیچے ہیں۔اور وہ چھوٹے بڑے امیر غریب سب کی ربوبیت کرتا ہے۔دوسری صفت رحمن ہے یعنی جتنی طاقتیں انسان کے اندر ہیں ان صفت رحمانیت کے استعمال کے بیرونی سامان بھی مہیا فرما تا ہے۔دنیا کی حکومتوں میں یہ بات نہیں۔مثلاً یو نیورسٹی ہے۔وہ علم پڑھانے کا سامان تو کرتی ہے مگر یہ نہیں کہ بعد میں نوکری بھی ضرور دے۔وہ کہتی ہے کہ ہم نے پڑھا دیا اور اب جاؤ اپنے لئے روزگار تلاش کرو۔وہ خالی علم دیتی ہے، اس کے استعمال کے ذرائع نہیں دیتی مگر اللہ تعالیٰ رحمن ہے یعنی وہ قوتوں کے استعمال کے ذرائع بھی ساتھ دیتا ہے۔رحمانیت کی لطیف تشریح ہر چیز جو اس نے پیدا کی ہے اس کے مقابل ایک ذریعہ اس کے استعمال کا بھی بنایا ہے۔مثلاً آنکھ ہے اس کے لئے روشنی ضروری ہے تا کہ وہ دیکھ سکے اس لئے اس نے سورج پیدا کیا۔پھر یہ ضروری ہے کہ آنکھ خوبصورت اشیاء کو دیکھے تا اس میں طراوت پیدا ہو اور اس نے خوبصورت مناظر سبزیاں خوبصورت انسان چرند پرند درخت بیل بوٹے وغیرہ اشیاء پیدا کر دیں۔پھر اس نے کان دیئے ہیں مگر یہ نہیں کہا کہ آواز میں خود پیدا کرو بلکہ آواز بھی ساتھ ہی پیدا کر دی ہے۔پھر آوازوں کے سننے میں بھی بے شمار فرق ہیں اگر سب کی آواز ایک سی ہوتی تو امتیاز کرنا مشکل ہو جاتالیکن اس قدر بار یک فرق ہیں کہ انسان حیران رہ جاتا ہے۔گاڑی آتی ہے گھوڑا آتا ہے لیکن کان دونوں کے شور کو پہچان لیتے ہیں۔پھر ہر انسان کی آواز میں کچھ نہ کچھ فرق ہے۔تو اتنے امتیاز ہیں کہ اگر انہی کو دیکھا جائے تو کان کے لاکھوں کام نظر آتے ہیں پھر چھونے کی طاقت دی ہے مگر یہ نہیں کہا کہ اس کے لئے کام خود تلاش کرو بلکہ چھونے کے لئے چیزیں بھی پیدا کر دی ہیں۔کوئی نرم چیز ہے کوئی سخت کوئی پھسلنی اور کھوئی گھر دری، پھر ان میں سے ہر ایک کی کئی اقسام ہیں۔نرمی میں بھی ہزاروں فرق ہیں ہم ریشم پر ہاتھ رکھتے ہیں پھر ربڑ پر رکھتے ہیں اور اگر چہ دونوں نرم ہیں مگر ہماری چھونے کی طاقت دونوں میں ایک امتیاز قائم کرتی ہے اور اس طرح نرمیوں میں بھی ہزاروں امتیاز ہیں۔تو اللہ تعالیٰ کی صفت رحمانیت نے جو طاقتیں انسان کو دی ہیں ان کے استعمال کے ذرائع