انوارالعلوم (جلد 12) — Page 363
۳۶۳ نبی کریم ﷺ کے پانچ عظیم الشان اوصاف ایک سہیلی نے کہا آپ روزہ سے تھیں افطاری کے لئے چار آنہ رکھ لیتیں تو کیا اچھا ہوتا- آپ نے جواب دیا کہ تم نے پہلے کیوں نہ یاد دلایا- اگر آنحضرت ﷺ کی محبت کا نقش اس قدر گہرا نہ ہوتا تو آپ روپیہ ملنے پر ضرور یہ طریق بدل دیتیں مگر حالت یہ تھی کہ ایک دفعہ آپ میدہ کی روٹی کھانے لگیں- نرم نرم پھلکے تھے مگر آپ کی آنکھوں میں آنسو آ گئے اور کسی ہمجولی نے دریافت کیا تو فرمایا- میں اس لئے روتی ہوں کہ اگر آج آنحضرت ﷺ زندہ ہوتے تو یہ نرم نرم پھلکے انہیں کھلاتی-۱۲؎ غور کرو‘ یہ کتنا گہرا نقش ہے- کتنے ہیں جو وفات کے بعد مرنے والوں کو اس طرح یاد رکھتے ہیں- حضرت عائشہ رضی اللہ عنہا کی زندگی کا ایک ایک لمحہ بتاتا ہے کہ آپ کا دل آنحضرت ﷺ کی محبت سے لبریز تھا- بعض بدباطن کہتے ہیں آپ نعوذ باللہ عیاش تھے- کیا عیاش لوگوں کی بیویاں ان کی موت کے بعد اسی طرح ان کے ساتھ اظہار محبت کرتی ہیں؟ وہ تو نفرت اور حقارت سے انہیں دیکھتی ہیں اور ان کی موت کو اپنی نجات سے تعبیر کرتی ہیں- غرضیکہ شادی کے زمانہ میں بھی آپ نے نہایت اعلیٰ درجہ کا نمونہ دکھایا- چھوٹی چھوٹی باتوں میں ہم دیکھتے ہیں- آپﷺ بیویوں سے ایسا برتاؤ کرتے جو محبت کے ازدیاد کا موجب ہو- حتی کہ پیالہ کی جس جگہ منہ لگا کر وہ پانی پیتیں بعض اوقات آپ بھی وہیں ہونٹ لگا کر پیتے اور فرماتے یہ محبت بڑھانے کا ذریعہ ہے- اگر کسی اونچی جگہ چڑھنا ہوتا تو آپﷺ اپنے گھٹنے کا سہارا دیتے-۱۴؎ یورپ کے وہ نادان لوگ جو آج اعتراض کرتے اور کہتے ہیں عورت کی عزت کے لئے یہ ضروری ہے‘ جب رسول کریم ﷺ سے ایسی بات دیکھتے ہیں تو اسی کی بناء پر آپ کو عیاش کہہ دیتے ہیں- دنیا میں ہم دیکھتے ہیں‘ اولاد ہو جانے کی حالت میں لوگ دوسروں کی خدمت اور ان کے حقوق کی حفاظت سے غافل ہو جاتے ہیں- مگر آپ اس پہلو میں بھی اس قدر محتاط تھے کہ ایک دفعہ صدقہ کی کھجوریں آئیں- حضرت امام حسن اس وقت بچہ تھے آپ نے کھجور منہ میں ڈالی مگر آپ نے منع فرما دیا اور کہا یہ غربیوں کا حق ہے- ۱۵؎ غور کرو- آج کتنے لوگ ہیں جو اس قدر احتیاط کرتے ہیں- بچوں کی بات پر عام طور پر کہہ دیا جاتا ہے نادان بچہ ہے- مگر آپﷺ کی بڑھاپے کی اولاد ہے اور زیادہ نہیں صرف ایک کھجور منہ میں ڈال لیتا ہے مگر آپﷺ اس کے منہ سے نکال لیتے ہیں- اور فرماتے ہیں یہ غریبوں کا حق ہے- فاطمہ آپﷺکی پیاری بیٹی تھیں اور