تصانیف حضرت حکیم مولانا نورالدین — Page 94
۹۴ دینیات کا پہلا رسالہ طريق وضو جب وضو کر نے لگو تو پہلے بسم اللہ پڑھو۔پھر دونوں ہاتھ پہنچوں تک دھوؤ۔اس کے بعد دائیں ہاتھ سے منہ میں پانی ڈالو اور مسواک کرو اور کلی تین بار کرنا چاہیے اور ناک میں تین بار پانی ڈال کر ناک کو خوب صاف کرو۔پھر تین ہی دفعہ منہ پر پانی ڈال کر اسے دھوؤ۔تین تین دفعہ دونوں ہاتھ کہنیوں تک اس طرح دھوؤ کہ پہلے دایاں پیچھے بایاں۔پھر نیا پانی لے کر سر اور کانوں کا مسح ایک ایک دفعہ کرو۔اخیر میں دونوں پاؤں ٹخنوں تک تین تین دفعہ اس طرح دھوؤ کہ پہلے دایاں پیچھے بایاں۔پانی نہ ملے یا جسمانی یا مالی تکلیف کا ڈر ہو تو وضو اور غسل دونوں کے عوض دل میں نیت کر کے تیم کر لینا چاہیے اس کی ترکیب یہ ہے۔پہلے پاک مٹی یا ایسی چیز پر جس پر مٹی ہو دونوں ہاتھ مارکر ایک مرتبہ سارے منہ پر ملو پھر دوسری مرتبہ مٹی یا مٹی والی چیز پر ہاتھ مار کر دونوں ہاتھ کہنیوں تک ملولے اور اخیر میں وضو اور تمیم کے بعد یہ پڑھو اَشْهَدُ اَنْ لَّا اِلهَ إِلَّا اللَّهُ وَحْدَهُ لَا شَرِيكَ لَهُ وَاشْهَدُ أَنَّ مُحَمَّدًا عَبْدُهُ وَرَسُولُهُ۔ایک حدیث میں ہے کہ اس کے بعد یہ بھی پڑھیں اَللهُمَّ اجْعَلْنِى مِنَ التَّوَّابِينَ وَاجْعَلْنِى مِنَ الْمُتَطَهِّرِينَ۔لے احادیث صحیحہ سے ثابت ہوا ہے کہ ایک بار زمین پر ہاتھ مار کر منہ پر مسح کرنا اور دونوں ہاتھوں کو پہنچوں تک مسح کر لینا بھی جائز ہے۔۶